२१ मंसिर २०७८, मंगलवार
 |   Tue Dec 7 2021
Logo

शरीरका लागि आवश्यक ओमेगा ३ को स्रोतहरु



ओमेगा ३ फ्याट्टी एसिड एक प्रकारको बोसो युक्त पदार्थ हो । यसले शरीरमा हर्मोन उत्पादनका साथसाथै शारीरिक तथा मानसिक विकासमा समेत मद्दत गर्ने गर्छ । यसका धेरै फाइदा र कार्यहरू छन् ।

शाकाहारी वा मांसाहारी जुनसुकै स्रोतबाट पनि ओमेगा ३ फ्याट्टी एसिड प्राप्त गर्न सकिन्छ । ओखर, सुक्खा फल, बदाम, अलैची, सूर्यमुखी, सोयाबिन, अंकुरित गेडागुडी, बन्दा, हरियो सिमी, ब्रोकोली, हरिया पातदार तरकारीहरू, स्ट्रबेरीजस्ता फलहरूमा प्रशस्त मात्रामा ओमेगा ३ पाइन्छ । ट्युना, साल्मन, हिल्सा, सार्डिनजस्ता समुद्री खाना समेत ओमेगा ३ को राम्रा स्रोतहरू हुन् । यसबाहेक गाईको दूध, बदाम र अण्डाहरूको सेवन पनि हाम्रो स्वास्थ्यका लागि फाइदाजनक छ ।

कसरी खाने यस्ता खानेकुरा ?

स्वस्थ व्यक्तिले आफ्नो शरीरको तौलको हिसाबले ओमेगा ३ फ्याट्टी एसिड खानुपर्छ । पोषणविद् वा चिकित्सकसँग परामर्श गरी यस्तो खानेकुरा खानुपर्छ । किनकि अत्यधिक बोसोले मोटोपना निम्त्याउँछ । विभिन्न फलका बिउलाई पाउडर जस्तो बनाएर आधा चम्चा पानीको साथ बिहान खाली पेटमा खानु आफैँमा लाभदायक हुने गर्छ । ओमेगा ३ युक्त फलफूल एवं तरकारीलाई तेलमा पकाउँदा यसले झनै फाइदा गर्छ ।

स्वस्थ व्यक्तिले एक दिनमा ओमेगा ३ फ्याटी एसिडको ४ ग्रामलाई केही खानेकुरासँग मिलाएर खानुपर्छ । बाल स्वास्थ्य संगठनहरूले बच्चा, गर्भवती र स्तनपान गराउने महिलाहरूको लागि दैनिक २ ग्राम ओमेगा ३ युक्त खानेकुरा सेवन गर्न सिफारिश गर्छन् । बिरामी मानिसहरूले यसको सेवनपूर्व डाक्टरको सल्लाहलाई पालन गर्नुपर्छ ।

यसको कमीमा कस्ता समस्या देखिन्छन्

पर्याप्त सेवनका बाबजुद पाचन प्रणालीमा गडबडी हुँदा कहिलेकाँही मेटाबोलिजम वा अवशोषणमा कमी भएका कारण ओमेगा ३ फ्याटी एसिड अभावको जोखिम बढ्छ । यसको अभावले उच्च रक्तचाप, हृदय रोग, उच्च कोलेस्ट्रोल, मधुमेह, आन्द्रासम्बन्धी रोग, अल्जाइमर जस्ता रोगहरू निम्त्याउन सक्छ । अनुसन्धानले प्रमाणित गरेको छ कि खानामा ओमेगा ३ को अभावले स्तन र प्रोस्टेट क्यान्सरको जोखिम बढाउँछ ।

ओमेगा ३ बारे जानौं

यो एक प्रकारको पोलिअनसेच्युरेटेड फ्याटी एसिड हो, जुन हामी केवल हाम्रो खानाबाट प्राप्त गर्न सक्छौं । हाम्रो खानामा तीन प्रकारका ओमेगा ३ पाइन्छ ।

अल्फा–लिनोलेनिक एसिड (बोटबिरुवामा पाइने तेल)

आइकोसेपेन्टानोइक एसिड (समुद्री खाना वा समुद्री जीवहरूमा पाइने तेल)

डोकोसेहेक्सानोइक एसिड (यो समुद्री खाना वा समुद्री जीवहरूबाट बनाइने एक किसिमको तेल हो)

ओमेगा ३ केकेका लागि फाइदाजनक छ ?

– ओमेगा ३ को नियमित सेवनले रगतमा बोसो वा ट्राइग्लिसराइड्सको स्तर नियन्त्रण हुन्छ । जसले हृदय रोगहरूको जोखिम ५० प्रतिशतसम्म कम हुन्छ ।

– यस्ता खानेकुराकोे नियमित सेवनले शरीरमा सूजन पैदा गर्ने तत्वहरूको प्रभावलाई कम गर्छ । यसले विभिन्न किसिमका दुखाइ कम गर्न मद्धत गर्छ ।

– ओमेगायुक्त खानेकुराले बच्चाहरूको स्नायु प्रणाली, मानसिक र शारीरिक विकासमा सहयोग पु¥याउँछ । बच्चाहरूको सिकाउने शक्तिलाई बढावा दिने र उनीहरूको मानसिक कौशल सुधार गर्न मद्धत गर्ने गर्छ ।

बढी सेवन स्वास्थ्यकै लागि हानिकारक

ओमेगा ३ फ्याट्टी एसिडहरू सहितको आहार खाना निरन्तर खाँदा हाम्रो स्वास्थ्यलाई कुनै हानि हुँदैन । तर अत्यधिक बोसोले शरीरको कोशिकामा समस्या सिर्जना गर्ने गर्छ । यसबारेमा ध्यान दिइएन भने भविष्यमा उच्च रक्तचाप, हृदयघात, मधुमेह जस्ता रोगहरूको जोखिम समेत यसमा बढ्न सक्छ ।


प्रतिक्रिया दिनुहोस !


नेपालमा देखिएको कोरोना ओमिक्रोन भेरियन्टका दुवैजना निको भए



काठमाडौं । नेपालमा देखिएको कोरोना ओमिक्रोन भेरियन्टका दुवैजना संक्रमणमुक्त भएका छन् । स्वास्थ्य मन्त्रालयले दिएको जानकारीअनुसार उनीहरु दुवैजना संक्रमणमुक्त भएका छन् । दुवैजनाको रिपोर्ट मंगलबार नेगेटिभ आएको छ । मन्त्रालयले यसअघि सोमबार पत्रकार सम्मेलन गर्दै मंसिर ३ गते नेपाल आएका दुईजनामा ओमिक्रोन भेरियन्ट देखिएको जानकारी गराएको थियो । त्यसमा एकजना विदेशी नागरिक थिए भने अर्का नेपाली नागरिक रहेका थिए । उनीहरु दुवैजना क्वारेन्टिनमा रहेका थिए ।

प्रतिक्रिया दिनुहोस !

थप ३१५ जनामा कोरोना संक्रमण, २ जनाको मृत्यु



पछिल्लो २४ घण्टामा थप ३१५ जनामा कोरोना संक्रमण पुष्टि भएको छ ।

९ हजार ३ सय ८६ जनाको पीसीआर परीक्षण गर्दा २७२ जना र २ हजार ४ सय २४ जनाको एन्टीजेन परीक्षण गर्दा ४३ जना गरी ३१५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यस्तै पछिल्लो २४ घण्टामा कोरोना संक्रमणबाट २ जनाको मृत्यु भएको छ भने ३०४ जना निको भएका छन् ।

आइतबार थपिएसँगै नेपालमा कोरोना संक्रमितको कुल संख्या ९ लाख १८ हजार ७६४ पुगेको छ । योसँगै नेपाल मृत्‍यु हुनेको संख्या ११ हजार ५४५ पुगेको छ भने ८ लाख ५ हजार २०५ जना संक्रमणमुक्त भएका छन् ।

मन्त्रालयका अनुसार हाल देशभर सक्रिय संक्रमितको संख्या ६ हजार ३५२ जना रहेका छन् । जसमध्ये ६ हजार १३ जना होम आइसोलेसनमा रहेका छन् भने ३३९ जना संस्थागत आइसोलेसनमा रहेका छन् । कोरोनाका बिरामीमध्ये १२३ जना आईसीयू र ३० जना भेन्टिलेटरमा उपचाररत् छन् ।

यस्तै १० वर्ष मुनिका १ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका ३० जना कोरोना संक्रमित थपिएका छन् ।

प्रतिक्रिया दिनुहोस !

वर्षेनी १५ कराेड मानिसलाई पुग्ने खानेकुरा फाल्छ अमेरिका



एजेन्सी : अमेरिकाले उत्पादन हुने खानेकुराकाे एक तिहाई खानेकुरा फाल्ने गरेकाे छ । अमेरिकाकाे वातावरण स‌ंरक्षण सम्बन्धी निकाय इपीएचले एक प्रतिवेदन सार्वजनिक गर्दै साे जानाकारी दिएकाे हाे । अमेरिकाले यसअघि सन् २०३० सम्म  खाद्यन्न फाेहर अ‌ाधा कटाैती गर्ने प्रतिबद्धता जनाएकाे थियाे । 

खाद्यन्न हिनामिना गर्दा लाखाैं डलर नाेक्शान हुने र यसले जलवायु परिवर्तनमासमेत असर गर्छ । ठूलाे परिणााममा खाद्यन्न फाेहर लेन्डफिल साइटमा फाल्दा यसले वातावरणमा असर गर्ने मिथेन ग्यास उत्सर्जन गर्ने वैज्ञानिकहरुले बताउँदै अ‌ाएका छन् । 

‘सन् २०१५ मा पेरिस सम्झाैतामा उल्लेख भएबमाेजिम विश्व तापमानलाई १ दशमलब ५ मा झार्न अमेरिकामा खाद्य प्रणालीमा परिवर्तन गर्न अ‌ावश्यक छ’, प्रतिवेदनमा भनिएकाे छ । 

‘जिवास्मबाट निस्काशन हुने इन्धन राेक्न सके पनि खाद्य फाेहर फाल्ने अहिलेकाे प्रवित्तिले विश्व तापमानलाई १ दशमलब ५ मा झार्ने लक्ष्य प्राप्त गर्न सक्दैन,’ प्रतिवेदनमा भनिएकाे छ । अमेरिकामा वर्षेनी ७ कराेड ३० लाख देखि १५ कराेड २० लाख मेट्रिक टन खाद्यन्न खेर जाने गरेकाे भन्दै याे खाद्यन्नले वर्षेनी १५ कराेड मानिसलाई खान पुग्ने इपीएचले जनाएकाे छ । 

सन् २०१५ मा अमेरिकाकाे कृषि मन्त्रालय र इपीएचले निजी क्षेत्र र सामुदायिक संगठनहरुकाे सहकार्यमा खेर जाने खाद्यन्नलाई सन् २०३० सम्म अ‌ाधाले घटाउने घाेषणाा गरेका थिए । तर, पनि सफलता प्राप्त गर्न सकेका छैनन् । सन् २०१० मा अमेरिकामा उत्पादन हुने कूल खाद्यन्नकाे ३१ प्रतिशत खाद्यन्न खेरा जाने गरेकाे थियाे । 

प्रतिक्रिया दिनुहोस !

%d bloggers like this: