बैतडीका सहाराविहीन छ जना दिदीबहिनी एसओएसको जिम्मामा « Name of Truth News : News Portal in Nepal
   ६ कार्तिक २०७८, शनिबार
 |   Sat Oct 23 2021
Logo

बैतडीका सहाराविहीन छ जना दिदीबहिनी एसओएसको जिम्मामा



बैतडी । बैतडीको दरशथ चन्द नगरपालिका– १०, सतपाली गाउँको दलित वस्तीका छजना असहाय दिदीबहिनीका बारेमा समाचार प्रकाशित भएपछि बालबालिकाले शिक्षा र सुरक्षासहितको संरक्षण पाएका छन् । बालबालिकालको शिक्षा र सुरक्षाको जिम्मेवारी एसओएस बालग्राम नेपाल, बनेपाले लिएको छ । बिहीबार छजना असहाय बालबालिलाई बैतडीबाट काठमाडौं पठाइएको छ । बालकालिकालाई बैतडीबाट काठमाडौं लैजान एसओएस बालग्राम नेपाल बनेका निर्देशक सुरेन्द्र अमगाईं गाडी रिजर्ब गरेर बैतडी पुग्नुभएको थियो । बालबालिकाको शिक्षा, सुरक्षा र सम्पूर्ण भविश्यको जिम्मेवारी लिदैं एसओएस बालग्राम नेपालका निर्देशक सुरेन्द्र अमगाईंले बैतडीका छजना असहाय दिदीबहिनी अब बालग्राम नेपालको छोरी भएको बताउनुभएको छ ।

छ जना दिदीबहिनीको घरको कथा

बैतडीको दशरथचन्द नगरपालिका –१०, सतपाली गाउँ भारतसँग सीमा जोडिएको बस्ती हो । महाकाली नदीले नेपाल–भारतको सिमाना छुट्याएको नेपाली वस्ती सतपाली गाउँँका अधिकांश नागरिकको साईनो सम्बन्ध मात्र होईन शिक्षा र उपचार गर्नसमेत भारत जानुपर्ने बाध्यता छ । यही वस्तीका राजुराम लावड तीन वर्षअघि बिरामी पर्नुभयो । औषधि लिन्छु भनेर भारतको पिथौरागढ गएकी श्रीमति मीनादेवी लावड घर फर्किनन् । औषधि खान नपाएर यता श्रीमान्को मृत्यु भयो । घरमा एक वर्षदेखि ११ वर्षसम्मका छजना दिदीबहिनी मात्र थिए । मृतक राजुराम लावडको छिमेकीले सदगति गरे ।

घरमा रहेका छजना छोरी निलम लावड (हालः १४ वर्ष) त्यो बेला जम्मा ११ वर्षकी थिइन् । सबैभन्दा कान्छी छैटौं बहिनी माया एक वर्षकी थिईन् । भोक र पीडाले छट्पटिदैं बालबालिकाले कयौंदिनसम्म आमाको बाटो कुर्दै महाकाली पारि आँखा डुलाईरहे तर, आमा फर्किनन् । अहिलेसम्म आमा कहाँ गईन ? अत्तोपत्तो छैन ।

हालः निलम लावड (१४ वर्ष) ईन्द्रा लावड, (१२ वर्ष) पार्वती लावड (११ वर्ष) लीला लावड ( नौ वर्ष), बिन्दु लावड (छ वर्ष) र माया लावड (चार वर्ष) पुग्नुभएको छ ।

बालबालिको पीडा यसरी चर्चामा आयो

छजना असहाय दिदीबहिनीका बारेमा २०७७ साउन १ गते गोरखापत्रमा ‘भोकलाग्दा नगरपालिकामा फोन !’ शिर्षकको समाचार प्रकाशित भएपछि घटनाले चर्चा पायो ।

आमा बुवा नहुँदा सहाराविहीन बालबालिकालाई समाचार पढेर साउन २ गते काठमाडौंबाट समाजसेवी दिपकमान शेरचनले एक लाख रुपियाँ पठाउनुभयो । उक्त रकमले बालबालिकालाई लुत्ताकपडा र खानेकुरा किनेर बचेको ७० हजार रुपियाँ दशरथचन्द नगरपालिकाले बैंकमा खाता खोलेर जम्मा गरेको नगरपालिकाका सामाजिक विकास शाखा प्रमुख विनोद चन्दले बताउनुभयो । बालबालिका बस्ने जिर्ण घर नगरपालिकाले मर्मत गरिदियो । बालबालिकाको खानाको समस्या टरे पनि शिक्षा र सुरक्षाको समस्या बाँकी नै थियो । बालबालिकाको पीडाका बारेमा गोरखापत्रलगायत अन्य सञ्चार माध्यममा समाचार सम्प्रेषण गरेको दशरथचन्द नगरपालिकाका सामाजिक विकास शाखाका विनोद चन्दले बताउनुभयो ।

यसरी भयो उद्धार

गोरखापत्रमा समाचार प्रकाशित भएपछि बालबालिकालाई थुप्रै ठाउँबाट आर्थिक सहयोग जुटे पनि बालबालिकाको शिक्षा र सुरक्षाको विषय चुनौतीका रुपमा थिायो ।

बालकालिकाको शिक्षा र सुरक्षाको जिम्मेवारी लिईदिन बैतडीका प्रमुख जिल्ला अधिकारी मोहनराज जोशी, दशरथचन्द नगरपालिकाका मेयर नरेन्द्रसिंह थापा, उप मेयर मीना चन्द, जिल्ला प्रहरी कार्यालयका प्रमुख नारायणप्रसाद अधिकारी, नेपाली सेनाको हनुमानध्वज गुल्मका गुल्मपति नवीन थापा लगायतले महत्वपूर्ण सहयोग गरेको शदरथ चन्द नगरपालिकाको सामाजिक विकास शाखाका संयोजक विनोद चन्दले बताउनुभयो । दुरदराजको गाउँमा बसेका असहाय बालबालिकाको बारेमा सर्वप्रथम गोरखापत्रले समाचार प्रकाशित गरेर सामाजिक उत्तरदायित्व बहन गरेको भन्दै बैतडीका प्रमुख जिल्ला अधिकारी मोहनराज जोशीले नेपाल टेलिभिजन, कान्तिपुर लगायतका सञ्चार माध्यमले पनि पीडा बाहिर ल्याएकोमा सबै सञ्चारमाध्यको प्रशंसा गर्नुभएको छ ।- गोरखापत्र अनलाइनबाट साभार


प्रतिक्रिया दिनुहोस !


कांग्रेसद्वारा कुशवाहामाथि दुव्र्यवहार गर्नेउपर कारवाहीको स्वागत



नेपाली कांग्रेसले खानेपानी तथा ढल व्यवस्थापन आयोजना कार्यालय जनकपुरका प्रमुख राजेश कुशवाहामाथि दुव्र्यवहार गर्ने दोषीलाई कानुनी कारवाही गर्न सरकारले अघि बढाएको प्रक्रियाको स्वागत गरेको छ ।

कांग्रेस प्रवक्ता विश्वप्रकाश शर्माले आज एक विज्ञप्तिमार्फत राजनीति, प्रशासन तथा समग्र समाजमा रहेका बेथितिविरुद्ध प्रश्न उठाउनु र स्वच्छ समाजको खोजी गर्नु सबैको कर्तव्य भएको उल्लेख गर्दै कानुन हातमा लिने, बलजफती र हुल हुज्जत गर्ने कार्य भने सभ्य समाजको परिचायक हुन नसक्ने बताउनुभएको छ ।

यस्तो घटना आपत्तिजनक र निन्दनीयसँगै कडा कारवाहीको विषय बन्ने जनाउँदै उहाँले जनकपुरको घटनाले नेपाली इञ्जिनीयर, कर्मचारी र सभ्य समाजमा विश्वास गर्ने सबैलाई मर्माहत बनाएको उल्लेख गर्नुभएको छ ।

कांग्रेसले सहकर्मीउपर गम्भीर दुव्र्यवहार हुँदा इञ्जिनीयर आक्रोशित र आन्दोलित हुनु स्वभाविक भएको जनाउँदै सुरु कानुनी कारवाहीसँगै राज्यको सक्रियताले यसलाई सम्बोधन गर्ने विश्वास लिएको छ । शान्तिपूर्ण राजनीतिमा सहभागी हुने उद्घोष गरेका हरेक दल र संस्थाले आफ्ना समर्थक तथा सदस्यलाई तदनुकूलको संस्कार र व्यवहारमा रुपान्तरण गर्नु सम्बन्धित दल नेतृत्वको कर्तव्य हुने कांग्रेसले स्मरण गराएको छ ।

हुलहुज्जतको बाटोबाट समुन्नत समाजमा पुग्न नसकिने उल्लेख गर्दै कांग्रेसले हरेक दल, नेतृत्व, सदस्य, समर्थक र नागरिकले यसलाई गहिरो आत्मसात् गर्नुपर्ने आवश्यकताका साथ थप सजगता तथा कडाइका लागि सरकारसँग अपिल गरेको छ ।

प्रतिक्रिया दिनुहोस !

एकीकृत समाजवादीले तीन महिने संगठन विस्तार अभियान चलाउने



सीपी लोहिया,/न्युज कारखाना

बैतडी, ६ कात्तिक

नेकपा (एकीकृत समाजवादी) बैतडीको पहिलो विस्तारित बैठक विभिन्न निर्णयहरु गर्दै सम्पन्न भएको छ । बैठकले तीन महिने संगठन विस्तार अभियान सञ्चालन गर्ने निर्णय गरेको छ । संगठन विस्तार अन्तर्गत पालिकाका कमिटीहरु गठन गर्ने, अहिले गठन प्रक्रियामा रहेका वडा कमिटी गठनलाई निरन्तरता दिने, जनवर्गीय संगठनहरु विस्तार गर्ने, नयाँ सदस्यता थप गर्ने र पुरानालाई नवीकरण गर्ने बताइएको छ ।

शनिबार आयोजित पत्रकार सम्मेलनमा पार्टीका पोलिटब्यूरो सदस्य तथा बैतडी जिल्ला इन्चार्ज परमानन्द भट्टले अबको तीन महिना संगठन विस्तार र सुदृढीकरणमा लाग्ने बताए । विस्तारित बैठकले जिल्ला सचिवालय गठन गर्ने तथा जिल्ला कमिटी सदस्यहरु थप गर्ने निर्णय गरेको छ ।

सचिवायल सदस्यको टुंगो लगाउने जिम्मेवारी जिल्ला कमिटीका पदाधिकारीलाई दिएको छ । जिल्ला पदाधिकारीले नै स्थानीय तहका इन्चार्जहरु तोक्नुका साथै जनवर्गीय संगठनका इन्चार्जसमेत तोक्ने निर्णय गरेको छ । सचिवालय सदस्यमा यसअघि नेकपा एमालेमा छँदा सचिवालय सदस्य र जिल्ला कमिटी सदस्य रहेका ब्यक्तिलाई स्वतः समावेश गर्ने र जिल्ला कमिटी सदस्यको टुंगो पदाधिकारी बैठकले लगाउने बताइएको छ ।

पार्टीले केही दिनअघिको अविरल वर्षाका कारण विपदमा परेका बैतडीवासीका पीडाहरु सरकार समक्ष पुर्‍याउने जनाएको छ । बाढी पहिरो पीडितका लागि तत्काल राहत तथा पुनर्स्थापनाका काम अघि बढाउन सरकारलाई आग्रह गरेको छ ।

यसैगरी स्थानीय तहमा भइरहेको भ्रष्टाचार न्यूनीकरणका लागि पहल गर्ने, सार्वजनिक मुद्दामा बहस गर्ने, विकास निर्माणका काममा हुने ढिलाईको कारण खोजी र कार्यान्वयन पक्षलाई बलियो बनाउने निर्णयसमेत भएको पोलिटब्यूरो सदस्य भट्टले बताए । उनले भने, ‘हामी अब पार्टी संगठन विस्तारको कामलाई तीब्रता दिनुका साथै आम जनताका सानादेखि ठूला मुद्दामा केन्द्रीत हुन्छौं ।’

उनले अहिले सरकारमा रहेका दलहरुको गठबन्धन आगामी चुनावसम्म रहने र चुनाव जितेरै छाड्ने दावी गरे ।

पत्रकार सम्मेलनमा नेकपा (एस) का प्रदेश सहसचिव एवं सुदूरपश्चिम प्रदेशका पूर्वउद्योग पर्यटन वन तथा वातावरण मन्त्री माया भट्टले आफ्नो पार्टी अहिले पनि सरकारमा भएकाले जनजिविकाका सवालहरुमा केन्द्रीत रहेको बताइन् ।

उनले भनिन्,‘सुदूरपश्चिम प्रदेश सरकारमा हाम्रो पार्टीको बाहुल्यता छ । केन्द्र सरकारमा हाम्रो पार्टीको गठबन्धन छ । त्यसैले दुबै सरकारसँग हामी जनजीविकाका सवालमा कुरा उठाउछौं । अहिले बर्षाका कारण विपदमा परेका बैतडीबासीका समस्यालाई हल गर्न, उनीहरुको पुनर्स्थापना गर्न हामी पहल गर्छौ ।’

पार्टीको केन्द्रीय सदस्यसमेत रहेकी भट्टले केन्द्रीय नेताका कारण पार्टी विभाजन भएकाले यसमा आफूहरुको कुनै गल्ती नरहेको बताइन् । उनले आफ्नो पार्टी अहिले सानो भए पनि जिल्लाका पुराना नेताको खोजी गरी उनीहरुसँगको सहकार्यमा अगाडि बढ्ने बताइन् ।

पत्रकार सम्मेलनमा नेकपा (एस) का जिल्ला अध्यक्ष महादेव भट्टले विगतमा भएका गल्ती कमजोरीलाई सुधार्दै नेकपा (एस) बलियो पार्टीको रुपमा स्थापित हुने बताए । उनले आगामी निर्वाचनमा बैतडीका ५० प्रतिशत स्थानीय तहमा आफ्नो पार्टीले चुनाव जित्ने दावी गरे ।

प्रतिक्रिया दिनुहोस !

वैशाखयताका विपद्जन्य घटनामा ३५३ को मृत्यु



यही वर्षको वैशाखयता विपदजन्य घटनामा परेर ३५३ जनाले ज्यान गुमाएका छन् । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार उक्त अवधिमा ८० जना हराइरहेका छन् ।

सबैभन्दा बढी पहिरामा परेर १६१ को मृत्यु भएको तथ्याङ्कमा उल्लेख छ । त्यसपछि बाढीबाट ५२ र चट्याङ लागेर ४९ जनाको मृत्यु भएको छ । भारी वर्षाले १८, सर्पले टोकेर २०, आगलागीबाट १८, जनावरको आक्रमणबाट २८, डढेलो, हावाहुरी र महमारीबाट सात जनाले ज्यान गुमाएका छन् । बेपत्ता भएका ८० मध्ये पहिरामा ४२ र बाढीमा ३७ जना परेका छन् ।

प्राधिकरणका अनुसार उक्त अवधिमा दुई हजार ९० वटा विपद्का घटना भएका छन् । कूल एक हजार २८४ जना घाइते भएको विवरण छ । कूल तीन हजार ४४३ घर परिवार प्रभावित भएका छन् भने रु एक अर्ब बढीको क्षति भएको छ । पछिल्लो वर्षाका कारण मात्रै १११ जनाले ज्यान गुमाएका छन् भने ३५ बेपत्ता रहेका छन् । मनसुनको अवधिमा १३६ जनाले ज्यान गुमाएका थिए । यसपाली बेमौसमको वर्षाले झन ठूलो क्षति गराएको छ ।

मनसुनको समयमा समेत १५ प्रतिशत बढी पानी परेको थियो । अहिलेको वर्षाले भने लगाएको धानखेतीमा ठूलो क्षति गराएको छ । सबै क्षतिको विवरण सङ्कलनको क्रममै रहेको गृह मन्त्रालयले जनाएको छ ।

प्रतिक्रिया दिनुहोस !

ताजा

लोकप्रिय

%d bloggers like this: