दशैं आयो, न यात्रु, न बुकिङ, न व्यवसाय « Name of Truth News : News Portal in Nepal
   ४ कार्तिक २०७८, बिहीबार
 |   Thu Oct 21 2021
Logo

दशैं आयो, न यात्रु, न बुकिङ, न व्यवसाय



काठमाडौं । अघिल्लो बर्ष भदौ महिनादेखिनै यातायात व्यवसायी प्रकाश दाहाल निक्कै व्यस्त हुन्थे । उनको कम्पनीमा रहेका २० वटा गाडीसँगै उनले स्थानीय गाडीहरुको समेत व्यवस्थापन गरेर काठमाडौंबाट दैनिक रुपमा तराइका विभिन्न जिल्लाहरुमा सवारी साधनको व्यवस्थापन गर्थे । अरु समयमा भन्दा दसैमा अत्यधिक माग रहेकोले दसैमा उहाँको परिवाका अरु सदस्यसमेत टिकट काट्ने काममा सहयोग गर्थे ।

काठमाडौं, भक्तपुरमा समेत उहाँहरुको टिकट काउन्टर थियो । बनेपामा रहेको टिकट काउन्टरमा समेत निक्कै भीडभाड हुन्थ्यो । तर यो बर्ष त्यस्तो छैन । उहाँहरुको काठमाडौ, भक्तपुर र बनेपामा रहेको टिकट काउन्टरबाट एउटा पनि टिकट काटिएको छैन । अघिल्लो बर्षसम्म अग्रिम टिकटको लागि भिडभाड हुने काउन्टरहरु खाली छन् ।
उहाँले आफ्नो लामो दुरीमा चल्ने २० वटा गाडी पार्किङमा राख्नुभएको महिनौ भैसक्यो । लकडाउन खुलेपछि गाडीहरु संचालन हुने आशामा रहनुभएका उहाँले एउटा बस पनि संचालन गर्न सक्नु भएको छैन ।

नेपाल यातायात व्यवसायी महासंघका अध्यक्ष योगेन्द्रनाथ कर्माचार्यले आफूहरुले यो दसैको लागि अग्रिम टिकटको बारेमा अहिलेनै नसोचेको बताउनुभएको छ । ‘बसहरु खालि दौडन बाँध्य छन् यो बर्ष अग्रिम टिकट काट्नैपर्दैन होला’ कर्माचार्यले भन्नुभयो ।

‘ अहिले काठमाडौं उपत्यका छाडेर जाने बसहरुमा यात्रुहरु नभएकाले अहिलेनै अग्रिम टिकटको बारेमा महासंघले निर्णय गरेको छैन’अध्यक्ष कर्माचार्यले भन्नुभयो ।

‘उपत्यका बाहिर जाने अधिकाशं गाडीहरुमा यात्रुनै छैनन्’ कर्माचार्यले भन्नुभयो । अधिकाशं गाडीहरुले तेल समेत हाल्न सक्ने अवस्था छैन भनेर जानकारी गराउनुभएको छ । उहाँले एक सातासम्म कस्तो अवस्था रहन्छ हेरेपछि मात्रै अग्रिम टिकटको बारेमा निर्णय गर्ने बताउनुभयो ।

अहिले काठमाडौमा रहेका मान्छे जिल्ला जिल्लामा रहेकाले अघिल्लो बर्षहरुमा जस्तो अग्रिम टिकट काट्नुपर्ने अवस्था आइ नहाल्न पनि सक्छ उहाँले भन्नुभयो । अघिल्लो बर्षहरुमा काठमाडौ छाडेर २० लाखभन्दा धेरै मान्छे बाहिर जाने गरेकोमा यो बर्ष राजधानीमा मान्छेनै नभएकाले अग्रिम टिकटको संम्भावना निक्कै न्यून रहेको उहाँले बताउनुभयो ।

उहाँले यो बर्ष दसै तिहार पनि सावधानी अपनाएर मनाउने भएकाले दसै तिहारको अग्रिम बुकिङ टिकट काट्नु नपर्ने उहाँ बताउनुहुन्छ । अहिले १० जना यात्रु बोकेर कंचनपुरसम्म जानुपर्ने बाँध्यता व्यवसायीसँग भएको कर्माचार्य भन्नुहुन्छ ।

काठमाडौबाट बाहिर जाने मात्रै हैनन काठमाडौ भित्रने गाडीमा समेत यात्रु छैनन् । राजधानीसँग जोडिएका काभ्रेपलाञ्चोक, सिन्धुपाल्चोक, नुवाकोट, धादिङसम्म चल्ने छोटो रुटमा समेत यात्रुहरु नभएको व्यवसायी बताउनुहुन्छ ।

अरनिको यातायात सेवा प्रालीका अध्यक्ष चित्र कुँवरले छोटा तथा लामो दुरीका रुटमा असाँध्यै कम यात्रु भएको बताउनुभयो । सरकारले तोकेको भन्दा पनि कम भाडा दरमा यात्रुहरु बोक्दा समेत यात्रुहरु नआएको उहाँले गुनासो गर्नुभयो ।

नेपालमा करिब तीन लाख ५० हजार सार्वजनिक यातायातहरु संचालनमा छन् । त्योमध्ये एक लाखभन्दा धेरै लामो दुरीका सवारी साधनहरु संचालनमा रहेको महासंघका उपमहासचिव रवि रिमाल बताउनुहुन्छ । एक लाखभन्दा धेरै लामो रुटका सवारी साधनमध्ये अधिकाशं संचालनमा आउन नसकेकको उहाँले बताउनुभयो ।

सरकारले ५० प्रतिशत भाडा बृद्धि गरेर जनता मारमा परेको र भोलि यात्रु हुँदा समेत बसहरु संचालन गर्न सक्ने अवस्था नहुने उहाँले बताउनुभयो । अहिले लामो दुरीका सार्वजनिक बसहरुले चालक तथा सहचालकहरुले खानाको व्यवस्था मात्रै गर्न सकेको र तेल समेत व्यवसायीहरुले आफैले हालिदिनुपर्ने अवस्था आएको उहाँले बताउनुभयो ।

अघिल्लो दसैमा उपत्यकावाट सार्वजनिक यातायात चढेर १५ देखि २० लाखभन्दा धेरै यात्रुहरु बाहिरिने गरेको र यो बर्ष अग्रिम टिकटको बारेमा महासंघले कुनै निर्णय नगरको उहाँले स्पष्ट पार्नुभयो । यो बर्ष सार्वजनिक यातायातको प्रयोग होला जस्तो लाग्दैन उहाँले भन्नुभयो ।- गोरखापत्र अनलाइनबाट


प्रतिक्रिया दिनुहोस !


एमालेको दशौँ महाधिवेशनको स्थान फेरियो



काठमाडौं । नेकपा एमालेले आगामी मंसिरमा बुटवलमा गर्ने तय भएको दसौँ राष्ट्रिय महाधिवेशनको स्थान परिवर्तन भएको छ । महाधिवेशन बुटवलको साटो चितवनमा हुने भएको छ । विहीबार बसेको स्थायी कमिटीको बैठकले दसौँ महाधिवेशन बुटवलबाट चितवन सार्ने निर्णय गरेको हो । बिहीबारको स्थायी कमिटी बैठकले असोज १५–१७ गते गोदावरीमा सम्पन्न विधान महाधिवेशनको समीक्षा गरेको बैठक पछि एक नेताले जानकारी दिए ।

साथै, १० बुँदे सहमतिका विषयमा विहिबारको बैठकमा छलफल हुने एक स्थायी कमिटी सदस्यले बताए । बुधबार एक कार्यक्रममा अध्यक्ष केपी शर्मा ओलीले १० बुँदको औचित्य सकिएको बताएपछि तेस्रो धारका नेताहरु असन्तुष्ट देखिएका छन् ।​ यसैबीच दसौँ महाधिवेशन सफल पार्नका लागि रामबहादुर थापा बादलको संयोजकत्वमा २१ सदस्यीय मूल व्यवस्थापन कमिटी पनि गठन गरिएको बैठकपछि पार्टीका प्रवक्ता प्रदीप ज्ञवालीले पत्रकारहरुलाई जानकारी दिए ।

प्रतिक्रिया दिनुहोस !

पचास प्रतिशत बढी जापानीहरु चीनको पक्षमा, अमेरिका मुख्य बाधक भएको ठहर



काठमाडौं । अधिकांश जापानीहरु अमेरिकाभन्दा चीनसँग नजिक हुनु पर्ने पक्षमा रहेको चिनिँया समाचार संस्था ग्लोबल टाईम्सले दाबी गरेको छ । सन् २०२१ मा चीन जापान सम्बन्ध जनमत सर्वेक्षणको नतिजा बुधवार बेइजिंग र टोकियोमा जारी गरिएको थियो । अनुसन्धानले पचास प्रतिशत बढी मानिसहरु अमेरिकाभन्दा चीनसँग नजिक हुनु पर्ने पक्षमा रहेका छन् । सो सर्वेक्षणमा सहभागी अधिकांश जापानीहरुले अमेरिका नै चीन र जापानको सम्बन्धमा मुख्य अवरोध रहेको बताएका छन् ।

सन् २००५ मा शुरू भएको वार्षिक सर्वेक्षण, दुई देशहरुको लागि सार्वजनिक राय बुझ्न र आपसी समझदारीको बढावाको लागि अध्ययन थालेको थियो । यस वर्षको सर्वेक्षण चीनको विदेशी भाषा प्रकाशन प्रशासन र एक जापानी थिंकट्यांक जेनरोन एनपीओले अगस्टको अन्त्यदेखि सेप्टेम्बरको अन्त्यसम्म दुई देशमा संयुक्त रूपमा सर्वेक्षण सञ्चालन गरिएको थियो। चीन र जापान दुबै देशका उत्तरदाताहरु द्विपक्षीय सम्बन्धको महत्वमा उच्च प्राथमिकतामा राखेका थिए । क्षेत्रीय सहयोग र वैश्विक चुनौतिहरुको विषयमा चिन्ता देखाएका थिए ।

सर्वेक्षणमा ७०.९ प्रतिशत चिनियाँ र ६४.४ प्रतिशत जापानी उत्तरदाताले चीन र जापान द्विपक्षीय सम्बन्ध महत्वपूर्ण रहेको बताए । त्यस्तै विश्वव्यापी महामारीको बीचमा जापानले टोकियो ओलम्पिकको सफल आयोजना गरेकोमा चिनियाँ उत्तरदाताहरुले उच्च प्रशंसा व्यक्त गरेका छन्। सर्वेक्षणले ८०.६ प्रतिशत चिनियाँ र ५६.४ प्रतिशत जापानीहरुले इतिहासलाई चीन र जापान सम्बन्धमा एक प्रमुख समस्याको रुपमा लिएका छन् । जबकि ६२.४ प्रतिशत चिनियाँ र ५६.७ प्रतिशत जापानीहरुले सीमा दुई देशको बीचमा भएको सीमा विवादलाई सम्बन्धमा बाधा पर्ने सबैभन्दा महत्वपूर्ण मुद्दा भनेका छन् । एसियाको क्षेत्रीय मामिलामा कोरियाली प्रायद्वीपको परमाणु निशस्त्रीकरण, चीन र जापान समुद्री र वायु संकट व्यवस्थापन, उर्जा संरक्षण र वातावरणीय संरक्षण दुबै पक्षमा उत्तरदाताहरुको मुख्य चासो थियो।

प्रतिक्रिया दिनुहोस !

मुख्यमन्त्रीको विश्वासको मतसम्बन्धी प्रस्तावमा मतदान नगरी प्रदेशसभा बैठक स्थगित



काठमाडौं । मुख्यमन्त्री अष्टलक्ष्मी शाक्यको विश्वासको मतसम्बन्धी प्रस्तावमाथि मतदान नगरी बागमती प्रदेशको प्रदेशसभा बैठक कात्तिक १० गतेसम्म स्थगित भएको छ । बिहीबारको बैठकमा मुख्यमन्त्री शाक्यले राखेको विश्वासको मतसम्बन्धी प्रस्तावमा छलफल सकिएपछि सभामुख सानुकुमार श्रेष्ठले कात्तिक १० गतेसम्मका लागि बैठक स्थगित गरिदिएका हुन् ।

बैठकमा मुख्यमन्त्री शाक्यले आफूलाई विश्वासको मत दिन प्रदेशसभासमक्ष प्रस्ताव गरेकी थिइन् । तर विपक्षी गठबन्धनमा रहेका नेकपा माओवादी केन्द्र संसदीय दलका नेता शालिकराम जम्मकट्टेल, नेपाली कांग्रेस संसदीय दलका नेता ईन्द्रबहादुर बानियाँ, नेकपा एकीकृत समाजवादी संसदीय दलका नेता राजेन्द्र पाण्डे र जनता समाजवादी पार्टीका सांसद प्रेमबहादुर तामाङले मुख्यमन्त्री शाक्यलाई विश्वासको मत दिन नसक्ने बताएका थिए ।

प्रतिक्रिया दिनुहोस !

ताजा

लोकप्रिय

%d bloggers like this: