२२ मंसिर २०७८, बुधबार
 |   Wed Dec 8 2021
Logo

स्वारेज बार्सिलोना छोडेर एथ्लेटिको मड्रिड तिर लागे



एजेन्सी | स्पेनिस ला लिगा क्लब एथ्लेटिको मड्रिडले स्ट्राइकर लुइस स्वारेजलाई प्रतिद्वन्द्वी क्लब बार्सिलोनाबाट भित्र्याएको छ ।

उरुग्वेका खेलाडी स्वारेजले एथ्लेटिको मड्रिडसँग दुई वर्षको सम्झौता गरेका छन् । शुक्रबार मेडिकलमा पास भएपछि स्वारेजले सम्झौता गरेका हुन् ।

३३ वर्षका स्वारेज सन् २०१४ मा लिभरपुलबाट बार्सिलोना गएका थिए । उनले बार्सिलोनाबाट एक पटक च्याम्पियन्स लिग तथा चार पटक लिगको उपाधि जितेका छन् ।

स्वारेजले बार्सिलोनाबाट २८३ खेलमा १९८ गोल गरेका छन् ।

स्वारेजका लागि एथ्लेटिको मड्रिडले निकै कम अर्थात ६ मिलियन युरो मात्रै बार्सिलोनालाई तिरेको छ । बार्सिलोनाले उनलाई ल्याउने बेला लिभरपुललाई ७४ मिलियन पाउण्ड तिरेको थियो ।

बार्सिलोनाका प्रशिक्षक रोनाल्ड कोएम्यानले आफ्नो योजनामा स्वारेज नरहेको बताए थिए । पासपोर्टको समस्याका कारण स्वारेज इटालियन क्लब युभेन्टस जान पाएका थिएनन् ।


प्रतिक्रिया दिनुहोस !


नेपालमा देखिएको कोरोना ओमिक्रोन भेरियन्टका दुवैजना निको भए



काठमाडौं । नेपालमा देखिएको कोरोना ओमिक्रोन भेरियन्टका दुवैजना संक्रमणमुक्त भएका छन् । स्वास्थ्य मन्त्रालयले दिएको जानकारीअनुसार उनीहरु दुवैजना संक्रमणमुक्त भएका छन् । दुवैजनाको रिपोर्ट मंगलबार नेगेटिभ आएको छ । मन्त्रालयले यसअघि सोमबार पत्रकार सम्मेलन गर्दै मंसिर ३ गते नेपाल आएका दुईजनामा ओमिक्रोन भेरियन्ट देखिएको जानकारी गराएको थियो । त्यसमा एकजना विदेशी नागरिक थिए भने अर्का नेपाली नागरिक रहेका थिए । उनीहरु दुवैजना क्वारेन्टिनमा रहेका थिए ।

प्रतिक्रिया दिनुहोस !

विश्वका प्रभावशाली एक सय महिलाको सूची सार्वजनिक



विश्वका एक सय प्रभावशाली महिलाको सूची सार्वजनिक भएको छ।

समाचार संस्था बीबीसीले वर्ष २०२१ का सबैभन्दा प्रेरक र प्रभावशाली १०० महिलाको सूची जारी गरेको हो।

सूचीमा विश्वभरमा समाज र संस्कृतिलाई नयाँ सिराबाट बदल्न भूमिका निभाएका महिलाहरु अटाएको बीबीसीले जनाएको छ।

यस वर्ष सबैभन्दा कम उमेरमा नोबेल पुरस्कार विजेता मलाला युसुफजइ, सामोआकी पहिलो महिला प्रधानमन्त्री फियामे नाओमी माताफा, भ्याक्सिन कन्फिडेन्ट प्रोजेक्ट की प्रमुख प्रोफेसर हेयडी जे लर्सन र चर्चित लेखिका चिमामान्डा नगोजी अडिची रहेका छन्।

सूचीमा धेरै जसो अफगानिस्तानका महिलाहरु अटाएका छन्। यसमध्ये केहीको वास्तविक नाम सुरक्षा लगायतका कारणले आफूहरुले प्रकाशन गर्न नसकेको बीबीसीले जनाएको छ। भारतका दुई र चीनका दुई जना पनि सूचीमा अटाएका छन्।

प्रतिक्रिया दिनुहोस !

आधा घटाइयाे वर्माकी नेतृ सुकीकाे सजाय



यांगुन,२१ मंसिर

म्यानमारकी प्रजातन्त्रवादी नेतृ आङ साङ सुकीको जेल सजाय आधा घटाइएकाे छ । म्यानमारको अदालतले सुकीमाथिकाे सजाय अ‌ाधा घटाएकाे हाे । यसअघि न्यपेतस्थित सेनाको अदालतले दुई विभिन्न अभियाेगमा चार वर्ष जेल सजाय सुनाएकाे थियाे । 

उनी एक वर्षदेखि घरमै नजरबन्दमा थिइन् ।

उनीमाथि असन्तुष्ट समूहलाई उक्साएकाे र राष्ट्रिय विपद् कानुनअन्तर्गत सरकारले जारी गरेकाे काेभिड नियम उल्ल‌घन गरेकाे अभियाेग लगाइएकाे छ । यसबाहेक उनीविरुद्ध ११ अ‌ाराेप लगाइएकाे छ । सुकीले आफूमाथि लगाइएका सबै आराेप अस्वीकार गर्दै आएकी छिन् । 

फेब्रुवरीमा सेनाले कु गर्नुअघि ७६ वर्षीया सुकीले नागरिक सरकारकाे नेतृत्व गरेकी थिइन् । निर्वाचनमा व्यापक धाँधली गरेकाे सेनाले अ‌ाराेप लगाउँदै अ‌ाएकाे छ । 

सरकार अपदस्थ गरेपछि उनलाई सेनाले घरमै नजरबन्दमा राखेर विभन्न अ‌ाराेपमा मुद्दा लगाउँदै आएकाे थियाे । 

प्रतिक्रिया दिनुहोस !

%d bloggers like this: