ब्लड क्यान्सर भएर अस्पताल भर्ना भएका दिपेन्द्रलाई आर्थिक अभाव « Name of Truth News : News Portal in Nepal
   ३० आश्विन २०७८, शनिबार
 |   Sat Oct 16 2021
Logo

ब्लड क्यान्सर भएर अस्पताल भर्ना भएका दिपेन्द्रलाई आर्थिक अभाव



दार्चुला | लेकम गाउँपालिका ४ टक्नाका ५९ वर्षीया सुन्नरी पाल झण्डै २० वर्षदेखि दमको विरामीले च्यापेको छ । नेपाल भारतका प्रतिष्ठित अस्पतालमा उपचार गराउँदा पनि दमको विरामी देखिएका पाल निको हुन सकेनन् । उपचार गराउँदा गराउँदै घरको जायजेथा सक्नै लागेका पाल परिवारले दुई वर्षदेखि उहाँको थप चेकजाँच गर्न सकेका छैनन् ।

आमाको उपचार गराउन नसकिरहेकै बेला यसै वर्ष उहाँका २४ वर्षीय छोरा दिपेन्द्र पालमा ब्लड क्यान्सर देखिएपछि अहिले घरमा आमाको बिच्चली छ । आफ्नो विराम भन्दा पनि छोरा विरामी भएको पीरले अहिले आमा निकै सुस्त बनेका छन्, उहाँका छोरी जानकी पालले भन्नुभयो । घरमा आमाको स्याहाँर गर्ने कि दाईको उपचारका लागि आर्थिक सहयोग जुटाएर उपचार गराउने ? एकातिर घरको कामकाज गर्नुपर्ने छ ।

सुदूरपश्चिमाञ्चल विश्वविद्यालय महेन्द्रनगरमा व्यवस्थापन संकाय चौथो वर्षमा पढ्दै आएका पाललाई एकाएक ब्लड क्यान्सर भएको हो । छोराकै पिरले अहिले आमा भक्कानी गर्नुभएको छ, जानकीले सुनाउनुभयो । घरमा आमा सम्हाल्नै नसकिने अवस्था पुगेको छ । बुवा बृद्ध भइसक्नुभयो ।

२ छोरा र ५ छोरी मध्ये कमाई गर्ने दाई मिन बहादुर पाल मात्रै छन् । उहाँ नेपाल प्रहरीमा जागिरे हुन् । बुवा लक्ष्मणबहादुर पाल ६४ वर्षको हुनुभयो । बुवा हुलाकमा जागिर गर्नुहुन्थ्यो, पोष्टमेनको । तर ०६८ सालमै पेन्सिन भएर घरमा छन् । उहाँको आम्दानीले घर खर्च चलाउने कि आफु र दार्ईको पढाइ खर्च, आमाको उपचार खर्च गराउँदा गराउँदै सकियो ।

अहिले दाई दिपेन्द्रको उपचारको लागि गाउँबाट साढे चार लाख रुपैयाँ ऋण काढेर पठायौ । प्रहरीमा कार्यरत दाई मिनबहादुर पाल पनि एक वर्ष अघि पेटमा समस्या भएपछि आफ्नो जागिरको सञ्चय कोष निकालेर उपचार गराउनुभयो । तीन महिना अस्पतालमै बस्नुभयो । अहिले भाईको उपचारको लागि महेन्द्रनगरबाटै ऋण निकालेर गराई राख्नुभएको छ ।

आमाको उपचार गराउन नेपालका सबै अस्पताल लगियो, कहि पनि निको हुन सकेन् । भारतको दिल्ली र खटिमा अस्पताल लगेर औषधी खादै अहिलेसम्म बचाइएको छ । तर दुई वर्ष भयो, भारतमा उपचार गराउन जान सकिएको छैन् । नेपालमा भएका औषधीले कामै गरेन्, जानकीले भन्नुभयो, खटिमा दिल्ली गएर मेसिनमार्फत औषधी दिदा अहिलेसम्म बाँच्नुभएको छ । अहिले दाईको विरामीको कारण आमालाई झन असहज भएको छ ।

घरमा सहारा नभएजस्तै भएको छ । के गर्ने कसो गरौं भन्ने भइरहेको छ, उहाँले सुनाउनुभयो । अहिले विभिन्न व्यक्तिले सहयोग गरेर दिपेन्द्र बचाउँ अभियान चलाएका छौं । रकम संकलन भइरहेको छ । सबैको सहयोग पाए भाई र आमा दुवै बचाउँन सकिन्थ्यो, उहाँले भन्नुभयो ।

जानकी पनि कृषिमै विएससीएजी गरिराख्नुभएको छ । परिवारमा परेको समस्याले आफ्नो पनि पढाईमा डिष्टर्ब हुँदै छ । घरको काम उस्तै छ । छोराको पढाई अब्बल नै थियो । कुनै पनि प्रकारको धु्रमपान मध्यपान थिएन् । तर पनि एकाएक पेटमा विरामी भयो भनेर चेकजाँच गराउँदा ब्लड क्यान्सर देखिएपछि छांगाबाटै खसेझै परिवार भएको छ । अझै पनि सहयोगको लागि अपिल गर्छौ, जानकीले सुनाउनुभयो ।

आर्थिक सहयोग संकलन हुँदै, सहयोग गर्न परिवारको आग्रह

दार्चुलाका २४ वर्षीय एक युवकलाई ब्लड क्यान्सर भएपछि अहिले आर्थिक सहयोग अभियान सञ्चलान गरिएको छ । लेकम गाउँपालिका वडा नम्बर ४ मकन्नाका २४ वर्षीय दिपेन्द्र पाललाई ब्लड क्यान्सर भएपछि उहाँको उपचारमा समस्या भएको छ । उहाँको ब्लडक्यान्सर भएपछि अहिले काठमाण्डौंमा उपचार भइरहेको छ ।

अहिले स्थानीयले ब्लड क्यासन्र पीडित दिपेन्द्र पाल बचाउ अभियान, हामी सबैको अभियान नारा दिएर सहयोग संकलन गरिरहेका छन् । सुदूरपश्चिमाञ्चल विश्वविद्यालयमा व्यवस्थापन संकाय चौथो वर्षमा पढ्दै आएका पाललाई स्वास्थ्यमा एकाएक समस्या देखिएको हो ।

उहाँको काठमाडौँको सिभिल अस्पतालमा उपचार भईरहेको छ । उपचारको लागि झण्डै २५ लाख रुपैयाँ रकम लाग्ने भएपछि अहिले आर्थिक सहयोग अभियान चलाइएको पीडितका बहिनी जानकी पालले बताउनुभयो ।

उपचारमा सहयोग पुगोस् भन्नको लागि लेकम गाउँपालिकाले पाँच लाख रुपैयाँ सहयोग गर्ने निर्णय गरेको छ । सो रकम बिहीबार उपचारको लागि पठाउने तयारी गरिएको पालले बताउनुभयो । यस्तै दिपेन्द्र पाल बचाउ अभियानले हालसम्म ६ लाख ७३ हजार ७७१ रुपैयाँ सहयोग संकलन गरेको छ ।

बुधबारसम्म विभिन्न क्षेत्रबाट २०१ जनाले आर्थिक सहयोग गरेको परिवारले जनाएको छ ।

यस्तै विभिन्न क्षेत्रमा पाल बचाउ अभियानमार्फत रकम संकलनको काम भइरहेको बताइएको छ । आर्थिक अभाव भएकाले अझै पनि सहयोगका लागि सबैसँग याचना परिवारले गरेको छ ।

उहाँलाई सहयोगको लागि इसेवा ९८६२४२५१३२, अथवा लक्ष्मी बैंक लिमिटेड चौपातामा रहेको जानकी पालको खाता नम्बर ०९०२३००५०१४ मार्फत सहयोग गर्न सकिने जनाइएको छ। यस्तै सहयोग गर्न चाहने व्यक्तिले उहाँको मोवाइल नम्बर ९८६८७२२२०६ मा सम्पर्क गर्न सक्नेछन् ।


प्रतिक्रिया दिनुहोस !


मलिका महत फिल्ममा फ्लप, म्युजिक भिडियोमा हिट



काठमाडौं । पछिल्लो समय भिडियोमा खोजिनेमध्येकी एक मोडल हुन्, मलिका महत । फिल्म यात्रा : म्युजिकल भ्ल्ग मार्फत रजतपटमा डेब्यु गरेकी मलिकाले दोस्रो फिल्म ‘पानीफोटो’मा समेत अभिनय गरिसकेकी छिन् । फिल्ममै आफूलाई स्थापित गर्ने तयारीमा रहेकी मलिका केही समययता भिडियोमा व्यस्त छिन् । फूलबुट्टे सारी’ मा अभिनेता पल शाहसँग देखिएपछि दर्शकमाझ उनको लोकप्रियता बढ्दो छ । दर्शकले पल र मलिकालाई ’पिएम’ जोडीसमेत भन्न थालिसकेका छन् । भिडियोमा अभिनय गर्न थालेको केही समयमै उनको आँखामा आउने सपनी, टाढा भए पनि, तिम्रो मनमा ए कान्छा लगायतका गीत दर्शकले सर्वाधिक रुचाएका छन् ।

भिडियोमा पछिल्लो समय खोजिने मोडलको लिस्टमा मलिकाको नाम अगाडि आए पनि फिल्ममा भने उनले त्यो लोकप्रियता पाउन सकेकी छैनन् । उनले दुई फिल्ममा अभिनय गरे पनि ’पानीफोटो’ भने प्रदर्शन हुन बाँकी छ । तर, उनको भिडियोझैँ लोकप्रियता फिल्ममा भने कम छ । केही दिन अगाडि मात्र फिल्म ’सत्यम’मा अनुबन्धित् भएकी मलिका आफूलाई फिल्ममै सफल देख्न चाहन्छिन् । केहि समयअगाडि मात्र उनी एक प्रतिष्ठित ब्यानरको अडिसनमा रिजेक्ट भएकी थिइन् । उनले पाएको रोललाई अडिसनमा न्याय गर्न नसकेपछि उनलाई लिन नसकिएको उक्त फिल्मको टिमका एक सदस्यले बताए ।

प्रतिक्रिया दिनुहोस !

विश्वभरी चर्चामा किमको नयाँ फेसन, माथि सुट पाइन्ट र तल चप्पल



एजेन्सी । अस्वभाविक अभिव्यक्तिका कारण बारम्बार चर्चामा आउने उत्तर कोरियाली नेता किम जोङ उन फेरि सञ्चार माध्यममा चर्चामा आएका छन् । यस पटक उनी अभिव्यक्तिभन्दा पनि आफूले लगाएको फेसनका कारण चर्चामा आएका हुन् । ३७ वर्षीय तानशाह किम आइतबार राजधानी प्योङयाङमा आयोजित एक कार्यक्रममा अस्वभाविक पहिरनमा देखिएका थिए । किमले चप्पल र मोजामाथि सुट लगाएका थिए । कालो सुट र टाइममा सजिएका किमले चप्पल लगाएपछि धेरैको ध्यान उनीप्रति तानिएको थियो ।

उनको पछिल्लो पहिरनले किमको स्वास्थ्यबारे फेरि अड्कलबाजी सुरू भएको छ । उनको खुट्टाको शल्यक्रिया वा गहिरो घाउका कारण जुत्ता लगाउन नमिलेर चप्पल लगाएको हुन सक्ने अनुमान गरिएको छ । अस्वभाविक रूपमा मोटा किम पछिल्लो समयमा केही छरितो देखिएका छन् । उनले १० केजी भन्दाबढी तौल घटाएको कोरियाली सञ्चार माध्यमहरूले जनाएका छन् ।

उनको स्वास्थ्यबारे विज्ञहरूले बारम्बार चासो दिँदै आएका छन् । अत्यधिक धुमपान गर्ने किम मुटुसँग सम्बन्धित समस्याबाट पीडित छन् । उनका हजुरबुबा र बाबु दुबैको ह्यदघातका कारण मृत्यु भएको थियो । सत्तारुढ कोरियाली पार्टीको स्थापना दिवसको अवसरमा सहभागी भएका किमले आफ्नो पार्टी आर्थिक लक्ष्य प्राप्तीका लागि दृढ भएको बताएका थिए । कोरियाले सामान गरेको समस्यासँग जुध्न नेतृत्वपंक्ति अनुशासित हुनुपर्ने उनको भनाई छ ।

प्रतिक्रिया दिनुहोस !

एकीकृत समाजवादी बैतडीको इन्चार्जमा भट्ट, दार्चुला इन्चार्जमा बैतडीकै बिष्ट



बैतडी । नेपाल कम्युनिष्ट पार्टी (एकीकृत समाजवादी) को बैतडी जिल्ला इन्चार्जमा प्रमानन्द भट्ट चयन भएका छन् । भट्ट केन्द्रीय पोलिटब्यूरो सदस्यसहित जिल्ला इन्चार्ज चयन भएका हुन् । नेकपा एमाले विभाजनपछि बनेको नेकपा (एस) मा गएका भट्टलाई पार्टी स्थायी कमिटीको बैठकले जिल्ला इन्चार्जमा चयन गरेको हो । भट्ट बैतडीमा नेपाल कम्युनिस्ट पार्टीका संस्थापक नेता हुन् । यसैगरी, पूर्व प्रदेश मन्त्री तथा नेकपा (एस) का केन्द्रीय सदस्य माया भट्ट प्रदेश सहसचिवमा चयन भएकी छन् । यसअघि एमाले हुँदा र माओवादीसँगको एकतापछि बनेको नेकपा हुँदाका बेला प्रदेश कमिटी सदस्य रहेकी भट्ट अहिले नेकपा (एस) को प्रदेश सहसचिव पदमा चयन भएकी हुन् ।

यसैगरी, नेकपा एमाले बैतडीका पूर्व अध्यक्ष तथा प्रदेश कमिटी सदस्य रहेका नरेन्द्र बिष्ट नेकपा (एस) को केन्द्रीय सदस्यसहित दार्चुलाको जिल्ला इन्चार्जमा चयन भएकाछन् । गत बिहीबारदेखि जारी स्थायी कमिटीको बैठकले नेताहरुको जिम्मेवारी बाडँफाड गरेको प्रदेश कमिटी सदस्य नरेन्द्र बिष्टले बताए । पार्टीका नियमित कामकाजहरु अब अगाडि बढाउने नेता बिष्टले बताए । आउँदो ३ कात्तिकमा बैतडी जिल्ला कमिटीको बैठक बसेर आगामी कार्यक्रमहरू तय गरिने उनले बताए । आगामी दिनमा पार्टीको पालिका तथा वडास्तरका कार्यक्रमहरू सञ्चालन गरिने उनले बताए । पालिका र वार्डस्तरमा संगठन विस्तार तथा सुदृढीकरणका कार्यक्रम आयोजना गरिने नेकपा (एस) बैतडीले जनाएको छ । न्युजकारखाना ।

प्रतिक्रिया दिनुहोस !

%d bloggers like this: