१३ फाल्गुन २०८०, आईतवार
 |   Sun Feb 25 2024
Logo

दीपेन्द्रसिंह ऐरी नहुँदा पुलिस क्लब पहिलो पटक समूह चरणबाटै बाहिरियो



HARARE, ZIMBABWE – JULY 02: Dipendra Airee of Nepal plays a shot during the ICC Men’s Cricket World Cup Qualifier Zimbabwe 2023 Playoff match between Nepal and United Arab Emirates at Takashinga Cricket Club on July 02, 2023 in Harare, Zimbabwe. (Photo by Alex Davidson-ICC/ICC via Getty Images)

काठमाडौं । नेपाली क्रिकेट टोलीका प्रमुख खेलाडी (अलराउन्डर) दीपेन्द्रसिंह ऐरी नहुँदा नेपाल पुलिस क्लब राष्ट्रिय स्तरको प्रतियोगितामा पहिलो पटक समूह चरणबाटै बाहिरिएको छ । घरेलु क्रिकेटमा लगातार सानदार प्रदर्शन गर्दै आएको पुलिस पोखरामा जारी केपी ओली कप टि २० प्रतियोगितामा समूह चरणबाटै बाहिरिएको हो ।

सुदुरपश्चिम प्रदेशसँग ४ विकेटले पराजित भएपछि मधेश प्रदेशसँग नेटरनरेटमा पछि पर्दै पुलिस बाहिरिएको हो । २०६७ साल देखी घरेलु क्रिकेट खेल्न थालेको पुलिसले राष्ट्रिय स्तरका प्रतियोगितामा कम्तिमा सेमिफाइनल खेल्दै आएको थियो । नेपालको प्रमुख घरेलु प्रतियोगिता प्रधानमन्त्री कपका पाँच संस्करणमा पुलिसले २०१९ मा उपाधि र २०१७ मा आर्मीसँग संयुक्त रुपमा बाँडेको थियो । २०१८, २०२२, २०२१ को संस्करणमा सेमिफाइनलबाट बाहिरिएको थियो । २०२२ मै प्रधानमन्त्री कप टि २० प्रतियोगितामा पुलिस फाइनलमा एपिएफसँग हारेको थियो ।

काठमाडौं मेयर्स कप २०२१ को फाइनलमा पुलिसले एपिएफलाई ८ विकेटले हराउँदै उपाधि जितेको थियो । छैटौं राष्ट्रिय खेलकुद प्रतियोगिता २०६८ देखी विभागीय टोलीले सहभागीता जनाउँदै आएका छन् । छैटौं, सातौं र आठौं खेलकुदको स्वर्ण एपिएफले जितेको थियो । पुलिस सेमिफाइनलमा पुगेर रोकिएको थियो । गतवर्ष दीपेन्द्रले पुलिसमा डेब्यू कप्तानी गर्दै नवौं राष्ट्रिय खेलकुदमा स्वर्ण जिताएका थिए ।

२०६७ देखी २०७९ सम्म पुलिसको कप्तानी मञ्जित श्रेष्ठले गरेका थिए । नवौं राष्ट्रिय खेलकुद देखी दीपेन्द्रले पुलिसको कप्तानी गरेका थिए । दीपेन्द्र एक महिना अघि टियु क्रिकेट मैदानमा आइसिसी टि२० विश्वकप एसिया क्षेत्र छनोटमा सिंगापुरविरुद्ध खेल्नु अघि बायाँ खुट्टाको एंकलमा चोट लागेको थियो । दीपेन्द्रले करिअर नै जोखिम बोकेर युएईविरुद्ध सेमिफाइनल खेलेका थिए । समूह चरण र फाइनल खेलेका थिएनन् । सेमिफाइनलमा युएईलाई हराए टि२० विश्वकप खेल्न पाउने हुँदा उक्त जोखिम लिएका थिए । नेपालले सहज जित हात पार्दा दीपेन्द्रले ब्याटिङ र बलिङ भने गर्नु परेको थिएन ।

त्यसैको कारण दीपेन्द्र नहुँदा उपकप्तान आरिफ शेखले केपी ओली कपमा टोलीको कप्तानी गरेका थिए । केपी ओली कपमा पुलिसको टोलीमा नेपाली टोलीबाट नियमित खेल्ने कुशल भुर्तेल, करण केसी, आरिफ शेख र ललित नारायण राजवंशी थिए । नेपालको लागि खेलि सकेका सुनिल धमला, सागर ढकाल, अर्जुन साउद, दीलिप नाथ र राशिद खान पनि केपी ओली कपमा पुलिसको टोलीमा थिए ।मधेश प्रदेशलाई कुशल भुर्तेलको शतकको सहयोगमा ५७ रनले हराएको थियो । तर सुदूर प्रदेशसँगको हार ठूलो भारी परेको हो । दीपेन्द्र बाहेक अन्य सबै पहिलो रोजाईका खेलाडीले केपी ओली कप खेलेका थिए ।


प्रतिक्रिया दिनुहोस !


ताजा

लोकप्रिय