दुहुँ, दार्चुलाको गौरबको योजना : बञ्जीजम्प झोलुंगे पूल निर्माणमा ढिलाई « Name of Truth News : News Portal in Nepal
   ४ कार्तिक २०७८, बिहीबार
 |   Thu Oct 21 2021
Logo

दुहुँ, दार्चुलाको गौरबको योजना : बञ्जीजम्प झोलुंगे पूल निर्माणमा ढिलाई



दार्चुला | दार्चुलाको दुहुँ गाउँपालिकाले गाउँपालिकाको गौरबको योजनाको रुपमा निर्माण शुरु गरेको बञ्जीजम्पसहितको बहुउद्देश्यीय झोलुंगे पूल निर्माणको कार्यमा ढिलाई भएको छ । जिल्लाकै सर्वाधिक लम्बाई र उचाईमा निर्माण हुन लागेको पूलको कामले गति लिन सकेको छैन् ।

२०७४ सालबाट निर्माण शुरु भएको पूलले अझै गति लिएको छैन् । दुहुँको वडा नम्बर २ र ५ को सीमा नदी कालागाड खोलामाथि बञ्जिजम्पसहितको बहुउद्देश्यीय झोलुंगे पुल निर्माण शुरु भएको थियो ।

गाउँपालिकाले गौरबकै योजनाको रुपमा यो पूल अघि बढाएको हो, गाउँपालिका अध्यक्ष पूलेन्द्र बहादुर कार्कीले भन्नुभयो, तर पूल निर्माणमा ढिलाई भइरहेको छ । पूल निर्माणको सम्झौता अवधि सकिएपछि अहिले तीन महिना म्याद थप गरि निर्माण कार्य अघि बढेको छ ।  


बर्खायाममा पूल निर्माणको काम अघि बढेन् । सडक अवरुद्ध हुँदा समान ढुवानीमै ढिलाई भएको निर्माण व्यवसायी बसन्त बुढाथोकीले बताउनुभयो । अहिले निर्माण कार्य चलिरहेको छ। निर्धारित समयमै निर्माण सम्पन्न गर्ने गरी काम भइरहेको छ । 

कोभिडको कारण समयमै समान ढुवानी हुन नसक्दा पूलले गति नलिएको निर्माण व्यवसायीको दाबी छ । पुल निर्माणले पैदल मार्गको दुरी घटाउनुका साथै पर्यटकहरूको आकर्षण गन्तव्य बनाउने लक्ष्य गाउँपालिकाले लिइएको छ ।

गाउँपालिकाका अध्यक्ष कार्कीका अनुसार यसै आर्थिक वर्षभित्र पुलको निर्माण कार्य सकिन्छ । पुलले गाउँपालिकाका वडा नम्बर २ र ५ लाई सीधै जोड्ने छ भने वडा नम्बर ५ का स्थानीयलाई गाउँपालिकाको केन्द्र पुग्न आधा घण्टाभन्दा कम समय लाग्ने छ । 


पुल निर्माण सम्पन्न भएपछि यस क्षेत्रका वडा नम्बर ४, ५, र ३ का स्थानीयलाई आवत जावतमा सहज हुनेछ । गाउँपालिकाको बृहत योजनाको रूपमा यो पुलको निर्माण अघि बढाइएको हो । गाउँपालिकाको पर्यटन प्रवद्र्धनसँगै आर्थिक आर्जनको रूपमा विकास गर्ने लक्ष्यसहित पूल निर्माणमा प्राथमिकता दिएको अध्यक्ष कार्कीले बताउनुभयो । 


दार्चुला तिकर सडक अन्तर्गत पर्ने उक्त क्षेत्र पुग्न सदरमुकाम खलंगाबाट एक घण्टा समय लाग्छ । नजिक क्षेत्र बञ्जीजम्पसहितको झोलुंगे पूल भएको कारण दार्चुलाका मात्र नभएर भारतबाट समेत पर्यटकहरु हेर्न आउन सक्ने छन् । 

सदरमुकामबाट नजिकै रहेको क्षेत्र भएको र सडक सञ्जालमा जोडिएको कारण पनि बञ्जीजम्प खेल्ने पर्यटकहरु यो क्षेत्रमा आकर्षित हुन सक्छन् । गाउँपालिकाले पर्यटकलाई लक्षित गर्दै भ्यू टावर निर्माण गरिरहेको छ । भ्यू टावरबाट विभिन्न हिमालयहरुको अवलोकन गर्न मिल्ने अध्यक्ष कार्कीको भनाई छ । यस्तै दुहुँको नजिकै पर्ने सिद्ध टोपीको अवलोकन गर्न जानेहरुको लागि पनि यो पूल राम्रो हुनेछ ।


हेल्भेटास नेपालको प्राविधिक सहयोग र गाउँपालिकाको लगानीमा निर्माण भइरहेको उक्त बहुउद्देश्यीय झोलुंगे पुलको लम्बाइ ३ सय ७२ मिटर रहेको छ । २ सय ४० मिटरको उचाइमा पुल बन्नेछ । एक करोड ७७ लाख ९९ हजारको लागतमा उक्त पुल जगदम्बा दोभान संगम जेभीले निर्माण गरिरहेको हो । 

पहाडी जिल्लाकै सर्वाधिक उचाई र लम्बाई रहेको पुल निर्माणमा गाउँपालिकाले पनि लगानी गरेको छ । उक्त पुल निर्माणपछि साहसिक मानिएको खेल बञ्जिजम्पको लागिसमेत उपयुक्त सम्भावना रहेको यसअघिको अध्ययनले देखाएको छ । पुल निर्माण हुने स्थानमा निकै कडा खालको चट्टान रहेको तथा गहिरो गल्छी भएका कारण बन्जिजम्पका लागि उपयुक्त मानिएको हेल्भेटास नेपालले जनाएको छ ।- सारथि खबरबाट साभार
 


प्रतिक्रिया दिनुहोस !


एमालेको दशौँ महाधिवेशनको स्थान फेरियो



काठमाडौं । नेकपा एमालेले आगामी मंसिरमा बुटवलमा गर्ने तय भएको दसौँ राष्ट्रिय महाधिवेशनको स्थान परिवर्तन भएको छ । महाधिवेशन बुटवलको साटो चितवनमा हुने भएको छ । विहीबार बसेको स्थायी कमिटीको बैठकले दसौँ महाधिवेशन बुटवलबाट चितवन सार्ने निर्णय गरेको हो । बिहीबारको स्थायी कमिटी बैठकले असोज १५–१७ गते गोदावरीमा सम्पन्न विधान महाधिवेशनको समीक्षा गरेको बैठक पछि एक नेताले जानकारी दिए ।

साथै, १० बुँदे सहमतिका विषयमा विहिबारको बैठकमा छलफल हुने एक स्थायी कमिटी सदस्यले बताए । बुधबार एक कार्यक्रममा अध्यक्ष केपी शर्मा ओलीले १० बुँदको औचित्य सकिएको बताएपछि तेस्रो धारका नेताहरु असन्तुष्ट देखिएका छन् ।​ यसैबीच दसौँ महाधिवेशन सफल पार्नका लागि रामबहादुर थापा बादलको संयोजकत्वमा २१ सदस्यीय मूल व्यवस्थापन कमिटी पनि गठन गरिएको बैठकपछि पार्टीका प्रवक्ता प्रदीप ज्ञवालीले पत्रकारहरुलाई जानकारी दिए ।

प्रतिक्रिया दिनुहोस !

पचास प्रतिशत बढी जापानीहरु चीनको पक्षमा, अमेरिका मुख्य बाधक भएको ठहर



काठमाडौं । अधिकांश जापानीहरु अमेरिकाभन्दा चीनसँग नजिक हुनु पर्ने पक्षमा रहेको चिनिँया समाचार संस्था ग्लोबल टाईम्सले दाबी गरेको छ । सन् २०२१ मा चीन जापान सम्बन्ध जनमत सर्वेक्षणको नतिजा बुधवार बेइजिंग र टोकियोमा जारी गरिएको थियो । अनुसन्धानले पचास प्रतिशत बढी मानिसहरु अमेरिकाभन्दा चीनसँग नजिक हुनु पर्ने पक्षमा रहेका छन् । सो सर्वेक्षणमा सहभागी अधिकांश जापानीहरुले अमेरिका नै चीन र जापानको सम्बन्धमा मुख्य अवरोध रहेको बताएका छन् ।

सन् २००५ मा शुरू भएको वार्षिक सर्वेक्षण, दुई देशहरुको लागि सार्वजनिक राय बुझ्न र आपसी समझदारीको बढावाको लागि अध्ययन थालेको थियो । यस वर्षको सर्वेक्षण चीनको विदेशी भाषा प्रकाशन प्रशासन र एक जापानी थिंकट्यांक जेनरोन एनपीओले अगस्टको अन्त्यदेखि सेप्टेम्बरको अन्त्यसम्म दुई देशमा संयुक्त रूपमा सर्वेक्षण सञ्चालन गरिएको थियो। चीन र जापान दुबै देशका उत्तरदाताहरु द्विपक्षीय सम्बन्धको महत्वमा उच्च प्राथमिकतामा राखेका थिए । क्षेत्रीय सहयोग र वैश्विक चुनौतिहरुको विषयमा चिन्ता देखाएका थिए ।

सर्वेक्षणमा ७०.९ प्रतिशत चिनियाँ र ६४.४ प्रतिशत जापानी उत्तरदाताले चीन र जापान द्विपक्षीय सम्बन्ध महत्वपूर्ण रहेको बताए । त्यस्तै विश्वव्यापी महामारीको बीचमा जापानले टोकियो ओलम्पिकको सफल आयोजना गरेकोमा चिनियाँ उत्तरदाताहरुले उच्च प्रशंसा व्यक्त गरेका छन्। सर्वेक्षणले ८०.६ प्रतिशत चिनियाँ र ५६.४ प्रतिशत जापानीहरुले इतिहासलाई चीन र जापान सम्बन्धमा एक प्रमुख समस्याको रुपमा लिएका छन् । जबकि ६२.४ प्रतिशत चिनियाँ र ५६.७ प्रतिशत जापानीहरुले सीमा दुई देशको बीचमा भएको सीमा विवादलाई सम्बन्धमा बाधा पर्ने सबैभन्दा महत्वपूर्ण मुद्दा भनेका छन् । एसियाको क्षेत्रीय मामिलामा कोरियाली प्रायद्वीपको परमाणु निशस्त्रीकरण, चीन र जापान समुद्री र वायु संकट व्यवस्थापन, उर्जा संरक्षण र वातावरणीय संरक्षण दुबै पक्षमा उत्तरदाताहरुको मुख्य चासो थियो।

प्रतिक्रिया दिनुहोस !

मुख्यमन्त्रीको विश्वासको मतसम्बन्धी प्रस्तावमा मतदान नगरी प्रदेशसभा बैठक स्थगित



काठमाडौं । मुख्यमन्त्री अष्टलक्ष्मी शाक्यको विश्वासको मतसम्बन्धी प्रस्तावमाथि मतदान नगरी बागमती प्रदेशको प्रदेशसभा बैठक कात्तिक १० गतेसम्म स्थगित भएको छ । बिहीबारको बैठकमा मुख्यमन्त्री शाक्यले राखेको विश्वासको मतसम्बन्धी प्रस्तावमा छलफल सकिएपछि सभामुख सानुकुमार श्रेष्ठले कात्तिक १० गतेसम्मका लागि बैठक स्थगित गरिदिएका हुन् ।

बैठकमा मुख्यमन्त्री शाक्यले आफूलाई विश्वासको मत दिन प्रदेशसभासमक्ष प्रस्ताव गरेकी थिइन् । तर विपक्षी गठबन्धनमा रहेका नेकपा माओवादी केन्द्र संसदीय दलका नेता शालिकराम जम्मकट्टेल, नेपाली कांग्रेस संसदीय दलका नेता ईन्द्रबहादुर बानियाँ, नेकपा एकीकृत समाजवादी संसदीय दलका नेता राजेन्द्र पाण्डे र जनता समाजवादी पार्टीका सांसद प्रेमबहादुर तामाङले मुख्यमन्त्री शाक्यलाई विश्वासको मत दिन नसक्ने बताएका थिए ।

प्रतिक्रिया दिनुहोस !

ताजा

लोकप्रिय

%d bloggers like this: