विराटनगर । सुनसरी प्रहरीले एक करोड ८२ लाख ५१ हजार रुपैयाँ नेपाली नक्कली नोट बरामद गरेको छ । भारतको बिहारका २२ वर्षीय मोहमद सैयदको गाडी खानतलासी गर्दा इनरुवा नगरपालिका–४ स्थित सुनसरी खोलाको पुलनजिक एक करोड ८२ लाख ५१ हजार बराबरका नोट बरामद गरिएको प्रहरीले जनाएको छ ।
नक्कली नोटसहित भारतको बीआर ११ एक्स ३४२९ नम्बरप्लेटको स्कोरपियो र चालकलाई नियन्त्रणमा लिइएको जिल्ला प्रहरी कार्यालय सुनसरीका एसपी विपीन रेग्मीले जानकारी दिए ।
