रेडियो, इन्टरनेट र टेलिभिजन नभएपछि नियमित कक्षा सञ्चालन « Name of Truth News : News Portal in Nepal
   ३० आश्विन २०७८, शनिबार
 |   Sat Oct 16 2021
Logo

रेडियो, इन्टरनेट र टेलिभिजन नभएपछि नियमित कक्षा सञ्चालन



बागलुङ । बागलुङको ताराखोला गाउँपालिकाले आइतबारदेखि गाउँपालिका भित्रका विद्यालयमा नियमित पठनपाठन सुरु गरेको छ ।

सरकारले वैकल्पिक माध्यमद्वारा शैक्षिक क्रियाकलाप संचालन गर्न आग्रह गरे पनि गाउँपालिकामा रेडियो, इन्टरनटे र टेलिभिजनको सहज सुविधा नभएपछि नियमित पठनपाठन थालिएको हो ।

गाउँ शिक्षा समितिको बैठकले विद्यालयमा स्वास्थ्य सुरक्षा मापदपण्ड अपनाएर विद्यालय संचालन गर्ने निर्णय गरेको शिक्षा अधिकृत सविता कुमारी केसीले जानकारी दिनुभयो । गाउँपालिका भित्र कोरोना संक्रमितको संख्या शून्य रहेको हुँदा सावधानीका साथ प्रावि तह (१–५) को नियमित र ६–१२ को जोडविजोड प्रणालीका आधारमा कक्षा संचालन गर्ने शिक्षा अधिकृत केसीको भनाई छ ।

शिक्षक विद्यार्थी विद्यालय प्रवेश गर्नुअघि साबुनपानीले हात धुने, मास्क तथा सेनिटाईजनको प्रयोगलाई अनिवार्य गर्ने निर्णय भएको छ । प्रावि तहमा विद्यार्थी संख्या न्यून भएको हुँदा कक्षामा सामाजिक दूरी कायम गर्न कठिन नहुने शिक्षा अधिकृत केसीको भनाई छ । एउटा बेन्चमा दुई जना विद्यार्थी बस्छन् ।

शिक्षा मन्त्रालयले जारी गरेको विद्यार्थी सिकाई सहजीकरण निर्देशिका २०७७ र पाठ्यक्रम विकास केन्द्रले जारी गरेको पाठ्यक्रम सामायोजन ढाँचा २०७७ लाई आधार बनाएर पठनपाठन गर्नुका साथै गृहकार्य दिने र मुल्यांकन गर्ने निर्णय अनुसार कक्षा संचालन भएको अर्गल माविका शिक्षक गणेश घर्तीले जानकारी दिनुभयो ।

६ महिनाको बन्द पछि विद्यालय खुलेको हुँदा पहिलो दिन पठनपाठन भन्दा पनि बसाइँ व्यवस्थापन, सरसफाई स्थल निर्माण, विद्यालय कक्षा कोठा सरसफाईका कार्यलाई प्राथमिकता दिएको उहाँको भनाइृ छ । विद्यार्थीलाई रुघाखोकी, ज्वरो आउने जस्ता समस्या देखिए तत्काल गाउँपालिकासँग समन्वय गरी उपचार गरिनेछ ।

‘हाम्रो पालिकामा नेट, टेलिभिजन, रेडियोको सुविधा छैन’ गाउँपालिका अध्यक्ष प्रकाश घर्तीले भन्नुभयो–‘अब सतर्कताका साथ शिक्षा क्षेत्र चलायमान गर्नुको विकल्प भएन । विद्यार्थी संख्या थोरै भएको कारण पछि विद्यालय नियमित संचालन गर्न कठिन नहुने उहाँको भनाई छ ।
गाउँपालिकामा तत्काल संक्रमितको संंख्या शून्य भएका हुँदा जोखिम आँकलन गरी कक्षा संचालनको निर्णय गरेको अध्यक्ष घर्तीले बताउनुभयो । कोरोना संक्रमणको दर बृद्धि भएको खण्डमा तत्काल पठनपाठन रोक्ने निर्णय भएको छ ।

ताराखोला गाउँपालिकामा भित्र १४ वटा (१–५) प्रावि, ३ वटा (१–८) आधारभुत, ६ वटा (१–१०) मावि र ३ वटा (१–१२) मावि विद्यालय रहेका छन् । दैनिक विहान १० बजेदेखि २ बजेसम्म कक्षा संचालन हुनेछ । कक्षा ८–१२ को पठन पाठनलाई आलोपालो र कक्षा विभाजन गरेर शैक्षिक क्रियाकलप संचालन गरिनेछ ।

दश वटा स्थानीय तह रहेको यहाँ अन्य पालिकाले औपचारिक कक्षा संचालन नगरे पनि टोल शिक्षा, अनलाईक कक्षा, शिकाई केन्द्रमा पठनपाठन क्रियाकलप संचालन गरेको शिक्षा विकास तथा समन्वय इकाई बागलुङका प्रमुख कुश्मराज उपाध्याले जानकारी दिनुभयो । संक्रमण बढेको क्षेत्रमा बन्द गर्ने र अन्यत्र नियमित कक्षा चलाउन सकिने उहाँको भनाई छ । विद्यालय बन्द समस्याको समाधान नभएको उपाध्यायले बताउनुभयो | – गोरखापत्र अनलाईनबाट


प्रतिक्रिया दिनुहोस !


प्रहरीको दसैँ : मासुभात खाने, ड्युटी गर्ने, ब्यारेकमै टीका र शान्ति सुरक्षामा केन्द्रीत



न्युज कारखाना ।

काठमाडौं । चाडपर्वमा सबै रमाइरहँदा प्रहरी भने चनाखो हुन्छ । फेस्टी मुडमा हुनसक्ने दुर्घटना, अपराध, विकृति रोक्न सुरक्षाकर्मी खटिन्छन् । विदा र घरपरिवार भन्ने हुँदैन । प्रहरी कार्यालय नै घर र सहकर्मी नै परिवारजस्तो हुन्छ । कुनै अप्रिय घटना र चिन्ताबिना ढुक्कसँग नागरिकले चाडपर्व मनाउन पाए भने प्रहरीलाई खुसी मिल्छ । घरमा टीका लाउन नपाएको खल्लोपना हराउँछ । फौजको नियमै हो प्रतिकूल र अफ्ठेरो परिस्थितिमा सेवा गर्नु । तर पनि मानवीय स्वभावले चाडपर्वमा घर जान नपाउँदा, विदा नपाउँदा मन खल्लो भइहाल्छ । यसलाई हटाउन प्रहरी कार्यालयमै पनि दसैं मनाउने गरिन्छ ड्युटीलाई असर नपर्नेगरी । यसपालि पनि दसैंमा यसरी नै मनाउने तयारी प्रहरीको छ । न्युज कारखानाले प्रहरी अधिकृतसँग फौजी दसैंबारे कुराकानी गरेको छ ।

शैलेश थापा क्षेत्री, प्रहरी महानिरीक्षक (आईजीपी)

मेरो त्यस्तो विशेष योजना केही छैन । पुलिसको अफ ड्युटी हुँदैन । मातहतसँग अल द टाइम जोडिनुपर्छ । त्यसकारण व्यक्तिगत दसैं हुँदैन । विदाको दिन पनि जागिर खाने हो । मेरो घर उपत्यकामै भएकाले एकछिन समय निकालेर आम नागरिकजस्तै टीका लगाउँछु । बुवाआमा हुनुहुन्छ । उहाँहरुबाटै टिका लगाउँछु । पारिवारिक घुमघाम र अध्ययनका लागि मैले फुर्सद नै पाउँदिन । फोन उठाउन त भ्याउँदिन । देशभरीको सुरक्षाको कुरा हुन्छ । यसमै केन्द्रीत हुने हो । ब्यारेकभित्र आ(आफ्नो युनिटले, आ(आफ्नो शैलीमा शान्ति सुरक्षाको बहाली राख्दै एकप्रकारको परम्परागत अभ्यासमा मनाउने हुन्छ । सेक्युरिटीलाई कम्प्रमाइज गरेर दसैं मान्ने पुलिसको हुँदैन । सुरक्षामै कन्सर्न हुने, दशैँमा ठूला घटना नघटुन भन्ने नै फस्ट प्राइरियोटी हो । आम पब्लिकले ढुक्कसँग मनाउन पाउने वातावरण बनाउन सकियो भने मेरो लागि, सिंगो संगठनका लागि दसैं त्यहीँ हो ।

उत्तमराज सुवेदी, प्रहरी नायव महानिरीक्षक (डीआईजी), महानगरीय प्रहरी कार्यालय रानीपोखरी

दसैंमा सपरिवार बस्ने रहर नलाग्ने त होइन । जागिर खाँदा जनयुद्ध सुरु भयो । समस्याग्रस्त क्षेत्रमा पोस्टिङ भयो । छुट्टि पाउने र माग्ने अवस्था थिएन । परिवार बोलाउन पनि समस्याग्रस्त क्षेत्रमा सम्भव थिएन । चाडपर्वमा सँगै नहुने अवस्था सिर्जना भयो । पछि ह्याविट हुँदै गयो । सबै कुराले परिवारलाई खुसी राख्न सकिने रहेछ । तर, जब जब घुम्न जाने कुरा आउँछ, घरपरिवारसँगै बस्ने भन्ने कुरा आउँदा उपस्थित भएन भन्ने असन्तुष्टि परिवारमा हुन्छ ।

तर, सामान्य अवस्था हुँदा परिवार बोलाएर कार्यक्षेत्रमै मनाउने त कहिले काठमाडौंमै पोस्टिङ हुँदा घर आउने जाने अवस्थामा टीका लगाउन पाउँथे । यो मेरोमात्र होइन सबै प्रहरीको कथा हो । प्रहरीमा जागिर खाइसकेपछि घरपायक अथवा घरमा बसेर जागिर खाने सम्भावना धेरै कम रहन्छ ।

प्रहरी भइसकेपछि सँगै बस्न पाइँदैन र सबै प्रहरीका परिवारको यो गुनासो रहन्छ । तर, अब उहाँहरुले पनि बुझ्नुहुन्छ । प्रहरीको जागिर, जनताको सेवा गर्नुपर्छ, अरु जागिरजस्तो टेन टु फाइभ हुँदैन । जति बेलुका, राति भयो त्यति नै अपराधका घटना बढ्न सक्ने जोखिम हुन्छ । झन राति चनाखो भएर बस्नुपर्छ । हामीलाई धेरैले यसपटकको दसैं तिहार कस्तो भयो सोध्नुहुन्छ, मैले के भन्ने गरेको छु भने यदि त्यो चाडपर्वको बेलामा कुनै पनि अप्रिय घटना घट्न नपाई शान्तिपूर्वक सर्वसाधारणले हर्षउल्लासपूर्वक मान्ने वातावरण सिर्जना गर्न सकिएको छ भने त्यो वर्षको दसैं सफल, राम्रो र रमाइलो भयो ।

तर, नचाहँदा पनि कहिलेकाही अप्रिय घटना घट्यो र एउटा परिवारमात्रै शोकमा, समाज शोकमय भयो भने त्यसको असरले हाम्रो दसैं राम्रो भएन, खल्लो भयो भनेर भन्ने गरेको छु । व्यवहारमा त्यहीँ हो । जसरी अरुबेला सर्वसाधारण प्रहरी हाम्रो सुरक्षामा छ, गस्ती गरिरहेको छ भनेर रातभर ढुक्कले सुत्नुहुन्छ, त्यसैगरी चाडपर्वमा फेस्टी मुडमा आफन्तजनकहाँ ओहोरदोहोर गर्ने, आशिर्वाद लिने, भेटघाट गर्ने, चाडपर्व मनाउने वातावरण कुनै चिन्ताबिना ढुक्कसँग भयो भने र कुनै घटना घट्न पाएन भने हामीलाई एकदम सन्तुष्टि हुन्छ । यसपटकको चाडपर्वको बेलामा म महानगरीय प्रहरी कार्यालय रानीपोखरी काठमाडौंमै छु । मेरो परिवारहरु पनि यतै छन् । म अहिले फ्रन्टलाइनमा नभएर सुपरभाइजरी रोलमा छु । यसअघि म फ्रन्टलाइनमा थिए । त्योबेला भन्दा अलिकति केही समय निकाल्न सकिन्छ कि भन्ने खालको छ । तर, विदामा बसिँदैन । टीकाको दिन कुनै समय मिलाएर घरमा एकछिन टीका लगाउन जानेसम्मको योजना बनाएको छु । सर्वसाधारणलाई चाडपर्व मनाउने क्रममा खटिएका प्रहरी अधिकृत तथा जवानहरुको परिचालनलाई थप व्यवस्थित बनाउने, थप सुरक्षा प्रत्याभूति हुने किसिमको वातावरण सिर्जना गर्नेतर्फ आफूलाई केन्द्रीत गरेको छु । त्यसैगरी ब्यारेकभित्र पनि सिनियर र जुनियर प्रहरी अधिकृत तथा जवानहरुसँग मनाउने योजना छ । प्रहरी प्रधान कार्यालयमा आईजी साप, एआईजीलगायत अग्रजसँग आशिर्वाद लिन्छु भने इच्छुक अनुज प्रहरी कर्मचारीलाई मैले पनि टीका लगाइदिने र आशिर्वाद दिन्छु ।

अशोक सिंह, प्रहरी वरिष्ठ उपरीक्षक (एसएसपी), महानगरीय प्रहरी परिसर काठमाडौं

हामीलाई दसैंमा विदा हुँदैन । सम्पूर्ण जनशक्ति जनताको जिउधनको सुरक्षा र अपराध रोकथाम नियन्त्रणमा खटिरहेको छ । दसैंतिहार विशेष सुरक्षा योजना लागु गरेका छौं । काठमाडौंको पचासौं लाख जनसंख्याको सुरक्षा, चाडपर्व मनाउन बाहिर जाने र अन्य यहाँको सम्पूर्ण सुरक्षा व्यवस्था मिलाउनुपर्ने भएकाले प्रहरी प्रधान कार्यालयबाटै विदा नछोड्ने भन्ने निर्देशन आएको हुनाले हामी आफ्नो ड्युटी गर्ने, ड्युटी गर्दै रमाउने र मनाउने गरेका छौं । दसैंको बेला संगठन प्रमुखसँग टीका ग्रहण गर्न जान्छौं । मातहतमा रहेका वृत्त प्रमुखहरुसँग पनि टीका आदान प्रदान हुन्छ । म दसैंमा घर ९धनगढी० जान नपाएको १५ वर्ष भयो । तर बीच बीचमा बुवालाई काठमाडौं ९भैंसेपाटी० बोलाएर पनि टीका ग्रहण गरेको छु । बुवा ८४ वर्ष पुग्नुभयो । आमा पनि वृद्ध हुनुहुन्छ । म काठमाडौंजस्तो संवेदनशील ठाउँको इन्चार्जको जिम्मेवारीमा छु । आमाबुवालाई एकदमै मिस गरिन्छ । घरबाट पनि गुनासो हुन्छ । तर, चाडपर्वको बेला आफूले निर्वाह गर्नुपर्ने व्यवसायिक जिम्मेवारी छ । पहिलो प्राथमिकता हाम्रो जिम्मेवारी र कर्तव्य पालना हो । त्यसमा फोकस भएर यहीँ रमाएर दसैं मनाउने भन्ने छ । घरपरिवारलाई पनि कन्भिन्स गर्छौं । उहाँहरू पनि बुझ्नुहुन्छ । साथै प्रहरी कर्मचारीलाई पनि मोटिभ गर्नुपर्ने हुन्छ । मन खल्लो नहोस् भनेर ब्यारेकै मनाउँछौं । मासुभात खाने, अनि ड्युटी गर्ने हुन्छ । ड्युटीलाई प्रभाव नपर्नेगरी पालैपालो रोटेसनमा टीका लगाइदिने हुन्छ । हामी दसैं पनि मनाउँछौं, ड्युटी पनि गर्छौं । नागरिकले ढुक्कसँग दसैं मनाउन पाएभने हामीलाई सन्तोष हुन्छ ।

दानबहादुर कार्की, (एसपी) प्रमुख कपिलवस्तु प्रहरी

कपिलवस्तुमा हिन्दु धर्मावलम्बीले दुर्गा मूर्ति स्थापना गर्ने र दसैंको टीकाकै दिन बिसर्जन गर्ने कार्यक्रम हुँदै आएको छ । बिसर्जन गर्ने क्रममा डिजे बजाउने, उफ्रिने र खासगरी कृष्णनगरमा झडप भएर मान्छे मृत्यु हुनेसम्मको घटना हुँदै आएको छ । त्यसकारण टीकाको दिन टीका लाउनेभन्दा पनि कर्तव्यबोधको दायित्वले त्यहाँ चनाखो भएर ड्युटीमा खटिनुपर्ने अवस्था छ । म आफू विदामा जान्न । अन्य टोलीलाई पनि मूर्ति बिसर्जन कार्यलाई शान्तिपूर्ण र हिन्दु मुस्लिमका बीचमा सौहार्दपूर्ण वातावरणमा सम्पन्न गरेपछि मात्रै विदामा जाउला भनेर स्टाण्डबाई राखिएको छ ।

दसैं मनाउने कुरामा अरु ठाउँमा जस्तै अष्टमी, नवमीमा मौलो पूजा गर्ने, सबै प्रहरी कर्मचारीसँग सँगै बसेर खाना खाने हुन्छ । टीकाको दिनमा मेरो घरपरिवार नै प्रहरी कार्यालय भएकाले इच्छुक प्रहरीहरु टीका लाउन पनि आउँछन् । तर यसपालि त्यो हुँदैन । सम्पूर्ण प्रहरी कर्मचारी दुर्गा बिसर्जन कार्यक्रममा अझ सक्रियताका साथ खट्नुपर्नेछ । कपिलवस्तुमा दुर्गामूर्ति सेलाउने नै त्यस दिन पर्ने हुनाले अलि नमिल्ने स्थिति छ । मैले आमाको हातबाट टीका नलगाएको ५ वर्ष भयो । यसपालि पनि टीका लाउन आएन, बाँचिन्छ कि मरिन्छ के हो, भेट पनि भएन भन्ने गुनासो आमाबाट आउँछ । तर, एउटा बुझाई के छ भने छोरोको जागिर नै यस्तो छ, सेवा गर्ने हो, यो आउन्न, हामी पनि घर छोडेर हिँड्न पाउँदैनौं, अरु बच्चा पनि हुन्छन् त्यसले पनि लाउन पाउँदैन भनेर आमाले पिर गरेर रुनुहुन्छ । अब यसो फकाउनुपर्छ । यसो हुँदा खल्लो त लाग्छ । तर आफू शान्ति सुरक्षा कायम गर्ने दायित्वमा बसेको भएर व्यक्तिगत चिन्ता भन्दा पनि हामीले निर्वाह गर्नुपर्ने भूमिकाप्रति बढी ध्यान दिनुपर्ने भएकाले केही खल्लो भए पनि अब बानी परिसक्यो, स्वभाविक भइसक्यो ।

भरत श्रेष्ठ, प्रहरी नायव उपरीक्षक, अनामनगर वृत्त

दसैंको बेलामा झन् धेरै ड्युटी हुन्छ । मान्छे धेरै चाहिन्छ । तर त्यो भनेर दसैं नै नमनाउन नदिने, चाडबाड नमनाउने भन्ने हुँदैन । मिलाएर हामी ड्युटीमा असर नहुनेगरी कार्यालय प्रमुखबाट दसैं मनाउने र खानपिन गर्ने, टीका जमरा लगाउनेलगायतका सम्पूर्ण कार्यहरु हुन्छन् । जमरा राखेका छौं । यहाँ कार्यरत जति छौं त्यहीँ नै परिवारको हिसाबले ज्येष्ठ सदस्यबाट टीका जमरा लगाइदिने, भोज खाने, सामान्य नाचगान पनि हुन्छ । सकेसम्म ड्युटीलाई असर नपर्ने गरी विदा पनि छोडिएको छ ।

यहाँ भएकालाई घरको अभाव हुन नदिनेगरी यतै परिवार मान्नेगरी दसैंको तयारी गरेका छौं । त्यो हिसाबले मनाउँछौं । म घरमा टीका लाउन नपाएको तीन वर्ष भयो । सुरु सुरुमा विदा नपाउँदा अफ्ठेरो लाग्थ्यो । अब बानी परिसक्यो । घरमा पनि अब यो आउँदैन भन्ने हुन्छ । तँ आउन पाइँदैन भनेर अभिभावकको मानसिकता बनिसक्छ ।

प्रतिक्रिया दिनुहोस !

राइ स्कुलका प्रिन्सिपलको रअसँगको भेटघाटले अविभावक र कर्मचारी आतंकित



काठमाडौं । राजधानीको राइ स्कुलका प्रधानाध्यापकको गतिविधि र उठबसलाई लिएर अविभावक संघका अध्यक्ष सुप्रभात भण्डारी, निजी बिद्यालयहरुको सँगठन प्याब्सन कार्यालय,विद्यालय प्रशासन, कर्मचारी र शिक्षक सबै सशंकित भएका छन् । विद्यालयका प्रधानाध्यापक सँधैजसो विदेशी दूतावासमा छिरेपछि उक्त आशंका जन्मिएको हो ।

पछिल्लो पटक विद्यालयका प्रिन्सिपल कृति पाण्डे अस्ति फूलपातीका दिन नेपालका लागि भारतीय खुफिया एजेन्सी ‘र’ का नेपाल प्रमुख राघवप्रसाद भट्नागरलाई भेट्नु छ भन्दै अपरान्ह दूतावास छिरेका थिए । उनी लामो भेटघाटपछि बेलुका अबेर मात्र दूतावासबाट निस्किएको उनैका ड्राइभरले स्कूलका अरु स्टाफहरुलाई बताए ।

अघिल्लो दिन पनि उनले भारतीय दूतावासमा त्यहाँको शिक्षा मामिला हेर्ने प्रथम सचिव रोहितकुमार शर्मासँग भेटेका थिए । त्यसअघि शुक्रबार दूतावासका शिक्षा तथा राजनीतिक विभाग प्रमुख मिश्र र प्रिन्सिपल पाण्डेबीच दूतावासभित्रै लञ्च मिटिङ भएको उनैको पारिवारिक स्रोतको दाबी छ । राइ स्कूल भारतको सेन्ट्रल बोर्ड अफ सेकेण्डरी एजुकेसन (सीबीएसई) मा आबध्द नेपाली शैक्षिक संस्था हो । यो विद्यालय नक्साल बालमन्दिरसँगै छ ।

प्रतिक्रिया दिनुहोस !

अमेरिकामा ९० प्रतिशत काला जातिका मानिस सडकमा हिँडेको बेला मारिन्छन् !



एजेन्सी : अमेरिकामा विविध प्रकारका जातीय भेदभाव एक पछि अर्को गरि बढिरहेका छन् । अमेरिकाका स्वेत प्रहरी अधिकारीहरु जानाजान अस्वेत समुदायका मानिसहरुलाई दुर्व्यवहार गरिरहन्छन् । प्रहरीको त्यस्तो कार्यको समाजमा बेला बेलामा आक्रोश भेट्न सकिन्छ । एक समाचार रिपोर्ट अनुसार, मिसौरी राज्यको स्थानीय गाँउमा तीन प्रहरी अधिकारीहरुले आफ्नो कुकुर छाडेको आरोपमा एक कालो जाततिका मानिसलाई सेप्टेम्बर २० मा गिरफ्तार गर्यो । जब यो घटनाको भिडियो चौतर्फी भाईरल भयो त्यसपछि आक्रोशित स्थानीय बासिन्दाले प्रहरी चौकीको अगाडि विरोध प्रदर्शन गरे ।

घटनामा संलग्न प्रहरीलाई बर्खास्त गरी उनीहरु विरुद्ध आपराधिक मुद्दा चलाउन अनुरोध गरे, तर पु्रहरीले सो घटनाको बारेमा अनुसन्धान गर्ने प्रतिबद्धता जनाए पनि ती प्रहरी अधिकारीलाई कारबाही गरिएन । गत वर्ष पनि प्रहरीले अश्वेत नागरिक जर्ज फ्लोईडको घाँटी च्यापेर हत्या गरेको थियो । प्रहरीले फ्लोईडको हत्या गरेको विरोधमा अमेरिका भरी आगो सल्किएको थियो । इतिहास हेर्ने हो भने, जब अमेरिकी प्रहरी अश्वेत मानिसहरुको हत्या तथा दुव्र्यहार गर्ने गर्दछ तब दुर्व्यवहार गर्ने श्वेत पुलिस अधिकारीहरुलाई कारबाही गर्नुको साटो टालटुल गर्ने गर्दछ । जब प्रहरी अश्वेत नागरिकमाथि दुव्र्यहार गर्दछ तब घटनाहरु थामथुम पार्न निर्णायक उपाय खोज्दछ तर जब समयसँगै जनताको क्रोधको बहाव कम हुन्छ, तब ती केसहरुलाई छाडिदिन्छ ।

एक रिपोर्ट अनुसार जो श्वेत प्रहरीद्धारा कालो जातिका मानिसहरु मारिन्छन्, ती मध्ये ९० प्रतिशत अश्वेतहरु स्वतन्त्र रुपमा सडकमा हिडिरहेका बेला मारिन्छन् । किनभने अमेरिकाको न्यायिक प्रणाली जो कथित रूपमा निष्पक्षता र न्यायमा आधारित छ । पछिल्ला विभिन्न घटनाहरुले देखाउँछ कि अश्वेत नागरिकमाथि अमेरिकाले पूर्वाग्रह राख्ने गर्द छ । अहिले अमेरिकामा जातीय भेदभाव झनै गम्भीर हुँदै गइरहेको छ।

संयुक्त राज्य अमेरिकामा मार्टिन लूथर किंग जूनियर दिवस मनाउँछ । सो दिवसका अवसरमा राष्ट्रिय बिदाको रूपमा तोकिएको छ । जसले काला जातिका समुदायप्रति सम्मान देखाउने देखावटी तरिका अपनाईएको छ । तर यो सबै एक राजनीतिक इशाराका लागि मात्र होइन, काला जातिका मतदाताहरु आफ्नो पक्षमा पार्ने यन्त्रका रुपमा प्रयोग गरिन्छ । तसर्थ जातीय भेदभाव अमेरिकीहरुको मनमतिष्कमा गाडिएको असाध्य पुरानो रोग हो, जसको उन्मूलन असम्भव छ। केसीएनएबाट ।

https://kcnawatch.org/newstream/1634205700-922856859/chronic-disease-peculiar-to-america-%e2%80%93-acts-of-racial-discrimination

प्रतिक्रिया दिनुहोस !

ताजा

लोकप्रिय

%d bloggers like this: