विद्यार्थीले पाउने भए सहुलियत दरमा टेलिकमको इन्टरनेट « Name of Truth News : News Portal in Nepal
   ५ कार्तिक २०७८, शुक्रबार
 |   Fri Oct 22 2021
Logo

विद्यार्थीले पाउने भए सहुलियत दरमा टेलिकमको इन्टरनेट



काठमाडौं । विद्यार्थी र शिक्षकले सहुलियत दरमा भ्वाइस सेवा, पाँच जिबी डाटा र बल्क एसएमएस पाउन थालेका छन् ।

सिकाईमा सहजीकरणका लागि भ्याट लगायतका कर बाहेक ९९ रुपैयाँमा ‘पाठशाला सियुजी सिम’ उपलब्ध गराउने निर्णय भएको शिक्षा, विज्ञान तथा प्रविधि मन्त्रालयका प्रवक्ता दीपक शर्माले जानकारी दिए । पाँच जिबी डाटा शिक्षा तथा मानव स्रोत विकास केन्द्रको वेभसाइटमा कक्षा १ देखि १० सम्मका पाठ्यक्रम चलाउन मात्रै प्रयोग गर्नुपर्ने शर्मा बताउँछन् ।

शिक्षा मन्त्रालयले नेपाल टेलिकमसँग सम्झौता गरेर विद्यार्थीहरूलाई सहुलियत प्रदान गर्न लागेको हो । ‘पाठशाला सियुजी सिम’ शिक्षक-विद्यार्थी र अभिभावकबीच असिमित कुराकानी गर्न, केन्द्रको वेभसाइट चलाउन र शैक्षिक प्रयोजनका लागि बल्क एसएमएस चलाउन सकिने मन्त्रालयले जनाएको छ ।

सिम लिनका लागि विद्यालय र स्थानीय तहको सिफारिस आवश्यक पर्ने प्रवक्ता शर्माले जानकारी दिए ।

शिक्षा मन्त्री गिरिराजमणी पोखरेलद्वारा १९ भदौमा पारित विद्यार्थी सिकाई सहजीकरण निर्देशिकामा ‘नेपाल टेलिकम लगायत इन्टरनेट सेवा प्रदायक संस्थाबाट शैक्षिक प्रयोजनका लागि मात्र हुने गरी निःशुल्क वा सहुलियत शुल्कमा डाटा प्याकेज प्राप्त गरी विद्यालय र विद्यार्थीलाई निःशुल्क उपलब्ध गराउने’ उल्लेख छ ।

अभिभावक संघ नेपालका अध्यक्ष केशव पुरीले शिक्षा मन्त्रालयको यो पहल सकारात्मक रहेको बताए । तर सबै विद्यार्थीलाई अनलाइन कक्षाको पहुँचमा ल्याउन यो व्यवस्थाले मात्रै नपुग्ने उनको भनाइ छ ।


प्रतिक्रिया दिनुहोस !


हुम्लालाई चीनले दियो स्वास्थ्य र खाद्य सामग्री



उत्तरी छिमेकी चीनले नेपालको सीमावर्ती जिल्ला हुम्लालाई स्वास्थ्य सामग्री सहयोग गरेको छ ।

बिहीबार चिनियाँ विदेश मन्त्रालय र तिब्बत स्वायत्त क्षेत्रका स्थानीय अधिकारीले हुम्लालाई स्वास्थ्य तथा दैनिक उपभोग्य खाद्य सामग्री उपलब्ध गराएको चिनियाँ राजदूत होउ यान्छीले जानकारी दिएकी छन् ।

यो सहयोगलाई राजदूत यान्छीले महामारीविरुद्ध दुई देशको संयुक्त लडाइँको एक महत्वपूर्ण पक्ष भनेकी छन् ।

हुम्लामा नेपाल र चीनबीच सीमा विवाद देखिएको भन्दै अध्ययन समितिले हालै द्विपक्षीय छानविन गर्नुपर्ने निष्कर्ष निकाल्दै सरकारलाई प्रतिवेदन बुझाएको थियो ।

प्रतिक्रिया दिनुहोस !

नेपालगञ्ज मेडिकल कलेजमा कर्मचारी आन्दाेलन, माग पूरा गर्न नसक्ने अडान



नेपालगञ्ज मेडिकल कलेजका प्रबन्ध सञ्चालक डा. सुरेशकुमार कनोडियाले संस्थालाई थप आर्थिक भार पर्ने गरी आन्दोलनरत कर्मचारीका कुनै पनि माग पूरा गर्न नसकिने बताएका छन् । 

नेपालगञ्ज मेडिकल कलेज शिक्षण अस्पतालका कर्मचारीले १ कात्तिकदेखि तलब वृद्धिलगायतका विभिन्न सातबुँदे माग राख्दै चरणबद्ध आन्दोलनमा उत्रिएपछि बिहीबार नेपालगञ्जमा कलेजले आयोजना गरेको पत्रकार सम्मेलनमा कनाेडियाले साे कुरा बताएका हुन् । ‘दुई वर्षदेखि संस्था घाटामा छ । २०७५ सालसम्म त हामीले कर्मचारीलाई बोनस पनि उपलब्ध गराएकै हौ । तर अहिले संस्थाको अवस्था सही छैन । संस्था ओरालो लागेको अवस्थामा थप आर्थिक व्ययभार पर्ने गरी अन्दोलनको कुनै पनि माग सम्बोधन गर्न सकिँदैन,’ उनले भने ।

कनाेडियाले कलेज सञ्चालनका क्रममा विद्यार्थी संख्या कटौती हुनु, कोभिड-१९ को कारण एक शैक्षिक वर्ष ०७७-७८ मा विद्यार्थी भर्ना नहुनु र अस्पतालमा पनि विरामीको संख्या घट्नु प्रमुख कारणले ०७६ सालदेखि संस्था निरन्तर घाटामा रहेकाले कर्मचारीको सेवासुविधा बढाउन नसकिएको स्पष्ट पारे । ‘सन् २०२० मा विद्यार्थी भर्ना भएनन् । सन् २०२१ को तीन महिनाअघि मात्र इन्ट्रान्स भएको छ । अहिलेसम्म एकजना पनि विद्यार्थी भर्ना हुन आएका छैनन् । सायद छठपछि विद्यार्थी भर्ना भएमा केही सहज हुन्छ कि भन्ने अपेक्षा गरेका छौं,’ उनले भने ।

२०५३ सालमा स्थापना भएको मेडिकल कलेजले सन २००७ देखि २०१४ सम्म एक सय ५० विद्यार्थी सिटमा विद्यार्थी रहेकोमा २०१५ देखि सिट क्रमश: घट्दै गएपछि कलेजको आम्दानी पनि घट्दो अवस्थामा रहेको कलेज प्रशासनले दाबी गरेको छ । 

नेपालगञ्ज मेडिकल कलेजमा हाल एक हजार चार सय ५० श्रेणीविहीन कर्मचारीदेखि प्राध्यापकसम्म कार्यरत रहेको कलेजका वित्तीय प्रमुख तथा वार्ता समितिका संयोजक श्यामकुमार शर्माले जानकारी दिए । ‘कलेजले अन्दोलनरत कर्मचारीले भनेको जस्तो तलब तथा अन्य सुविधा वृद्धि नगरेको होइन । तर, अहिले भने अवस्था फरक छ । ऋण लिएर तलब सुविधा वृद्धि गर्न कसरी सम्भवव हुन्छ,’ उनले भने।

उनले कलेजले आफ्नो आर्थिक अवस्थामा क्रमशः सुधार आउन सुरु भएपछि कर्मचारीले राखेका मागका विषयमा सम्बोधन गर्न तत्पर रहेको बताउँदै अस्पताल जस्तो संवेदनशील संस्थामा अन्दोलन र तालाबन्दीले स्वास्थ्य सेवा प्रवाह गर्न कठिन भएकाले तालाबन्दी खोल्न अन्दोलनमा रहेका कर्मचारीलाई आह्वानसमेत गरे ।

अस्पतालका सहनिर्देशकसमेत रहेका डा.नितेशकुमार कनोडियाले अस्पतालले दिने सेवासुविधा अन्य अस्पतालको भन्दा अत्यन्त न्यून भएको कारणले पनि अस्पतालमा सेवा लिन आउनेहको संख्या पनि घट्दो अवस्थामा रहेकाले अस्पतालको आम्दानी घट्दो छ । दुई ठाउँमा अस्पताल सञ्चालन गर्दा आवश्यक औजार, जनशक्ति दोहोरो राख्न बाध्य हुनु अर्कोतिर आम्दानीको स्रोत घट्नुले पनि असहज भएको बताए ।

नेपालगञ्ज मेडिकल कलेजमा कार्यरत कर्मचारीलाई कलेज प्रशासनले प्रत्येक दुई-दुई महिनाको तलब होल्ड गरेर तलब दिइरहेको छ । अन्दोलनमा रहेका कर्मचारीहरू नियमित तलब दिनुपर्ने, पाँच वर्षदेखि निरन्तर रहँदै आएको तलब स्केलमा बढ्दो महँगीअनुसारको समायोजन गर्नुपर्नेलगायतका सातबुँदे माग राखेर आन्दोलनमा उत्रिएका छन् । 

प्रतिक्रिया दिनुहोस !

खानेपानी कार्यालय जनकपुरका प्रमुखलाई सिके राउतका कार्यकर्ताले अर्धनग्न बनाएर बजार घुमाए



खानेपानी डिभिजन कार्यालय जनकपुरका कार्यालय प्रमुख जागेश्वर कुशवाहमाथि जनमत पार्टीका (सिके राउत) कार्यकर्ताले दुव्र्यवहार गरेका छन् । कुशवाहलाई नियन्त्रणमा लिएर कार्यकर्ताहरुले अर्धनग्न बनाई बजार परिक्रममा गरेका छन् ।

सडक विस्तारका क्रममा खानेपानीको पाइप ठाउँठाउँमा फुटेको र उक्त फुटेको पाइप मर्मत गर्न आग्रह गर्दा कुशवाहले जनकपुर नगरपालिकातिर जिम्मेवारी देखाउँदै आएको आरोप छ । सोही विषयमा विवाद हुँदा सिके राउतका कार्यकर्ताले उनीमाथि दुव्र्यवहार गरेका हुन् ।

यसैबीच दुव्र्यवहार गरेको आरोपमा प्रहरीले जनमत पार्टीका कार्यकर्ता  विजयकुमार यादवसहित सात जनालाई पक्राउ गरेको छ । पक्राउ परेका कार्यकर्तालाई रिहाइको माग गर्दै जिल्ला प्रहरी कार्यालय अगाडी नरा जुलुस भइरहेको छ । 
 

प्रतिक्रिया दिनुहोस !

ताजा

लोकप्रिय

%d bloggers like this: