अब गुगल मिट १ घण्टा मात्रै निःशुल्क « Name of Truth News : News Portal in Nepal
   ४ कार्तिक २०७८, बिहीबार
 |   Thu Oct 21 2021
Logo

अब गुगल मिट १ घण्टा मात्रै निःशुल्क



काठमाडौं । कोरोना भाइरस महामारीको लकडाउन तथा विभिन्न खाले बन्देजका कारण विश्वका करोडौँ मानिसहरु अहिलेपनि घरबाटै आफ्नो कार्यालयको काम गरिरहेका छन् । वर्क फ्रम होमलाई सहज तुल्याउनका लागि भिडियो कन्फ्रेन्सिङ प्लाटफर्महरु निकै नै सहयोगी बनिरहेका छन् । जुमसँगै गुगलको गुगल मिट, माइक्रोसफ्ट टिम्स तथा फेसबुक मेसेन्जरको मेसेन्जर रुम्स निकै लोकप्रिय बनिरहेका छन् ।

घरबाटै काम गरिरहेका विश्वका करोडौँ कामकाजी मानिसहरुको हीतलाई ध्यानमा राख्दै कैयन् भिडियो स्ट्रिमिङ्ग प्लाटफर्महरुले निःशुल्क रुपमा अधिकतम सर्भिस प्रदान गरिरहेका छन् । सर्च इन्जिन कम्पनी गुगलले पनि आफ्नो गुगल मिट सर्भिस पूर्ण रुपमा निःशुल्क गर्दै आएको छ ।

गुगल मिटमा प्रयोगकर्ताहरुले आफुले चाहेजति समयसम्म भिडियो कन्फ्रेन्सिङ गर्न सक्दछन् । तर यस्तो अनलिमिटेड फ्रि मिटिंग्सको सुविधालाई गुगलले आगामी ३० सेप्टेम्बरबाट बन्द गर्दैछ । आउँदो सेप्टेम्बर ३० पछि गुगल मिटका निःशुल्क प्रयोगकर्ताले अधिकतम ६० मिनेटसम्म मात्र भिडियो कन्फ्रेन्सिङ गर्न पाउनेछन् ।

३० सेप्टेम्बरपछि निःशुल्क प्रयोगकर्ताहरुले एक पटकमा केवल ६० मिनेटसम्म मात्र भिडियो कल गर्न पाउनेछन् भने सशुल्क प्रयोगकर्ताहरुका लागि मात्र अनलिमिटेड भिडियो कन्फ्रेन्सिङ सुविधा प्राप्त हुनेछ ।

गत अप्रिल महिनामा गुगलले एक घोषणा गर्दै भिडियो कन्फ्रेन्सिङका लागि सबै प्रयोगकर्ताहरुले अनलिमिटेड गुगल मिट प्रयोग गर्न पाउने जानकारी गराएको थियो । विश्व कोरोना भाइरससँग अभ्यस्त बन्दै जाँदा गुगलले उक्त निःशुल्क सेवामाथि सीमा तय गर्न लागेको हो ।

यो सँगै गुगल मिटमा लामो बैठक गर्ने प्रयोगकर्ताहरुले शुल्क तिर्नुपर्ने बाध्यता हुनेछ । तर एकघण्टा भन्दा कम समयमै बैठक सकिने प्रयोगकर्ताहरुका लागि चाहिँ गुगल मिट निःशुल्क रुपमै प्रयोगमा आउनेछ ।

गुगलले निःशुल्क प्रयोगकर्ताहरुका लागि समयको पावन्दी सुरु गरेसँगै भिडियो कन्फ्रेन्सिङका सहभागीहरुको संख्यामा पनि सीमा तोक्छ कि तोक्दैन भन्ने चाहिँ प्रष्ट भएको छैन । –एजेन्सी


प्रतिक्रिया दिनुहोस !


एमालेको दशौँ महाधिवेशनको स्थान फेरियो



काठमाडौं । नेकपा एमालेले आगामी मंसिरमा बुटवलमा गर्ने तय भएको दसौँ राष्ट्रिय महाधिवेशनको स्थान परिवर्तन भएको छ । महाधिवेशन बुटवलको साटो चितवनमा हुने भएको छ । विहीबार बसेको स्थायी कमिटीको बैठकले दसौँ महाधिवेशन बुटवलबाट चितवन सार्ने निर्णय गरेको हो । बिहीबारको स्थायी कमिटी बैठकले असोज १५–१७ गते गोदावरीमा सम्पन्न विधान महाधिवेशनको समीक्षा गरेको बैठक पछि एक नेताले जानकारी दिए ।

साथै, १० बुँदे सहमतिका विषयमा विहिबारको बैठकमा छलफल हुने एक स्थायी कमिटी सदस्यले बताए । बुधबार एक कार्यक्रममा अध्यक्ष केपी शर्मा ओलीले १० बुँदको औचित्य सकिएको बताएपछि तेस्रो धारका नेताहरु असन्तुष्ट देखिएका छन् ।​ यसैबीच दसौँ महाधिवेशन सफल पार्नका लागि रामबहादुर थापा बादलको संयोजकत्वमा २१ सदस्यीय मूल व्यवस्थापन कमिटी पनि गठन गरिएको बैठकपछि पार्टीका प्रवक्ता प्रदीप ज्ञवालीले पत्रकारहरुलाई जानकारी दिए ।

प्रतिक्रिया दिनुहोस !

पचास प्रतिशत बढी जापानीहरु चीनको पक्षमा, अमेरिका मुख्य बाधक भएको ठहर



काठमाडौं । अधिकांश जापानीहरु अमेरिकाभन्दा चीनसँग नजिक हुनु पर्ने पक्षमा रहेको चिनिँया समाचार संस्था ग्लोबल टाईम्सले दाबी गरेको छ । सन् २०२१ मा चीन जापान सम्बन्ध जनमत सर्वेक्षणको नतिजा बुधवार बेइजिंग र टोकियोमा जारी गरिएको थियो । अनुसन्धानले पचास प्रतिशत बढी मानिसहरु अमेरिकाभन्दा चीनसँग नजिक हुनु पर्ने पक्षमा रहेका छन् । सो सर्वेक्षणमा सहभागी अधिकांश जापानीहरुले अमेरिका नै चीन र जापानको सम्बन्धमा मुख्य अवरोध रहेको बताएका छन् ।

सन् २००५ मा शुरू भएको वार्षिक सर्वेक्षण, दुई देशहरुको लागि सार्वजनिक राय बुझ्न र आपसी समझदारीको बढावाको लागि अध्ययन थालेको थियो । यस वर्षको सर्वेक्षण चीनको विदेशी भाषा प्रकाशन प्रशासन र एक जापानी थिंकट्यांक जेनरोन एनपीओले अगस्टको अन्त्यदेखि सेप्टेम्बरको अन्त्यसम्म दुई देशमा संयुक्त रूपमा सर्वेक्षण सञ्चालन गरिएको थियो। चीन र जापान दुबै देशका उत्तरदाताहरु द्विपक्षीय सम्बन्धको महत्वमा उच्च प्राथमिकतामा राखेका थिए । क्षेत्रीय सहयोग र वैश्विक चुनौतिहरुको विषयमा चिन्ता देखाएका थिए ।

सर्वेक्षणमा ७०.९ प्रतिशत चिनियाँ र ६४.४ प्रतिशत जापानी उत्तरदाताले चीन र जापान द्विपक्षीय सम्बन्ध महत्वपूर्ण रहेको बताए । त्यस्तै विश्वव्यापी महामारीको बीचमा जापानले टोकियो ओलम्पिकको सफल आयोजना गरेकोमा चिनियाँ उत्तरदाताहरुले उच्च प्रशंसा व्यक्त गरेका छन्। सर्वेक्षणले ८०.६ प्रतिशत चिनियाँ र ५६.४ प्रतिशत जापानीहरुले इतिहासलाई चीन र जापान सम्बन्धमा एक प्रमुख समस्याको रुपमा लिएका छन् । जबकि ६२.४ प्रतिशत चिनियाँ र ५६.७ प्रतिशत जापानीहरुले सीमा दुई देशको बीचमा भएको सीमा विवादलाई सम्बन्धमा बाधा पर्ने सबैभन्दा महत्वपूर्ण मुद्दा भनेका छन् । एसियाको क्षेत्रीय मामिलामा कोरियाली प्रायद्वीपको परमाणु निशस्त्रीकरण, चीन र जापान समुद्री र वायु संकट व्यवस्थापन, उर्जा संरक्षण र वातावरणीय संरक्षण दुबै पक्षमा उत्तरदाताहरुको मुख्य चासो थियो।

प्रतिक्रिया दिनुहोस !

मुख्यमन्त्रीको विश्वासको मतसम्बन्धी प्रस्तावमा मतदान नगरी प्रदेशसभा बैठक स्थगित



काठमाडौं । मुख्यमन्त्री अष्टलक्ष्मी शाक्यको विश्वासको मतसम्बन्धी प्रस्तावमाथि मतदान नगरी बागमती प्रदेशको प्रदेशसभा बैठक कात्तिक १० गतेसम्म स्थगित भएको छ । बिहीबारको बैठकमा मुख्यमन्त्री शाक्यले राखेको विश्वासको मतसम्बन्धी प्रस्तावमा छलफल सकिएपछि सभामुख सानुकुमार श्रेष्ठले कात्तिक १० गतेसम्मका लागि बैठक स्थगित गरिदिएका हुन् ।

बैठकमा मुख्यमन्त्री शाक्यले आफूलाई विश्वासको मत दिन प्रदेशसभासमक्ष प्रस्ताव गरेकी थिइन् । तर विपक्षी गठबन्धनमा रहेका नेकपा माओवादी केन्द्र संसदीय दलका नेता शालिकराम जम्मकट्टेल, नेपाली कांग्रेस संसदीय दलका नेता ईन्द्रबहादुर बानियाँ, नेकपा एकीकृत समाजवादी संसदीय दलका नेता राजेन्द्र पाण्डे र जनता समाजवादी पार्टीका सांसद प्रेमबहादुर तामाङले मुख्यमन्त्री शाक्यलाई विश्वासको मत दिन नसक्ने बताएका थिए ।

प्रतिक्रिया दिनुहोस !

ताजा

लोकप्रिय

%d bloggers like this: