अहिले सूचना प्रविधिको जमाना छ । दिन प्रतिदिन नयाँ नयाँ डिजिटल प्ल्याट फर्महरु सिर्जना भइरहेका छन् । तर, नयाँ स्टार्टअप सुरु गरेका कतिपय मानिस सफल छन् भने कोही असफल ।
यही भीडमा हामी केही त्यस्ता पात्रहरुको चर्चा गर्दैछौ, जसले आफ्नो डिजिटल आइडिया कै कारण मासिक करोडौँ तलब खान्छन् ।
गुगलका अनुसार यी हुन् सन् २०२३ मा सर्वाधिक तलब भत्ता तथा सेवा सुविधा लिनेहरु स्
१) टिम कूक
उमेरले ६३ वर्ष पुगेका एप्पल इंकुका सीइओ टिम कूक सन् २०११ देखि यसै कम्पनीमा कार्यरत छन् । एमबिए र बिएस पास गरेका उनले सन् २०२३ को बार्षिक तलब भत्ता र सेवा सुविधा बापत ६३।२१ मिलियन अमेरिकी डलर लिएका छन् । जुन ८ अर्ब ३८ करोड नेपाली रुपैयाँ हो ।
यस हिसाबले उनको मासिक तलब भत्ता सरदर ६९ करोड हुन्छ । टिम कूक विश्वकै सबैभन्दा धेरै तलब बुझ्ने व्यक्ति पनि हुन् ।
२) सत्य नदेल्ला
चर्चित कम्पनी माइक्रोसफ्टुका सीइओ हुन् नदेल्ला । उमेरले ५६ वर्ष पुगेका उनी भारतको हैद्रावादमा जन्मेका थिए । उनले बिटेक, एमबिए र एमएस पास गरेका छन् ।
सन् २०२३ मा उनले वाषिर्क तलब भत्ता र सेवा सुविधा वापत ४८ दशमलव ८ मिलियन अमेरिकी डलर लिएका छन् । यो रकम नेपालीमा ६ अर्ब ४३ करोड रुपैयाँ हुन आउँछ । यसर्थ उनको मासिक तलब भत्ता सरदर ५३ करोड हुन्छ । नदेल्ला विश्वकै दोस्रो धेरै तलब खाने कर्मचारी हुन् ।
३) शान्तनू नारायण
एडब इंकका सीइओ नारायण भारतको तेलंगनामा जन्मिए पनि अहिले अमेरिकी नागरिक भइसकेका छन् । उमेरले ६० वर्ष पुगेका उनले बिइ, एमएस र एमबिए पास गरेका छन् ।
सन् २०२३ मा उनले वार्षिक तलब भत्ता तथा सेवा सुविधा वापत ३६ दशमलव १२ मिलियन अमेरिकी डलर लिएका छन् । जुन रकम नेपालीमा ४ अर्ब ७९ करोड हुन्छ । यस हिसाबले उनले मासिक तलब भत्ता सरदर ३९ करोड बुझिरहेका छन् ।
