![](https://i0.wp.com/www.supremekhabar.com/wp-content/uploads/2024/02/Women-death-1024x624-1.jpg?fit=1024%2C624&ssl=1)
सुर्खेत । दैलेखको भैरवी गाउँपालिका-६ तोरीमूलमा चट्याङ लागेर बालिकाको मृत्यु भएको छ । शनिबार परेको चट्याङले १२ वर्षीया शर्मिला कँडेलको मृत्यु भएको जिल्ला प्रहरी कार्यालय दैलेखका प्रहरी निरीक्षक दीपक मगराठीले जानकारी दिए । चट्याङ लागेर घाइते भएकी शर्मिलालाई उपचार गर्न दुल्लु अस्पताल लगिएको थियो । त्यहाँ उपचार सम्भव नभएपछि प्रदेश अस्पताल सुर्खेत ल्याउँदै गर्दा बाटैमा उनको मृत्यु भएको प्रहरीले जनाएको छ ।