८ असार २०८१, शुक्रबार
 |   Fri Jun 21 2024
Logo

जब अन्धविश्वासी रूसी यु-टयुबरले महिना दिनको बच्चालाई भोकै मारे….



मस्को, ६ बैशाख । रुसका एक फुड ब्लगर र सोशल मिडियामा चर्चित म्याक्सिम ल्युटीले आफ्नो एक महिनाको छोरालाई यति धेरै यातना दिए कि उसको ज्यान नै गएको छ । 

वास्तवमा ल्युतीले छोरालाई भोकै राख्ने गरेका थिए । दूध वा खाना दिनुको सट्टा उसको शरीर बलियो बनोस् र अलौकिक शक्ति प्राप्त होस् भनेर घाममा धेरै बेर बसाउँथे । तर यी सबैका कारण बच्चा कुपोषणको सिकार भयो र अन्ततः उनको मृत्यु भयो ।

अब यस मुद्दामा तल्लो अदालतले म्याक्सिम लुट्टीलाई आठ वर्ष कैद र करिब ९३ हजार रुपैयाँ जरिवानाको सजाय सुनाएको छ । रूसी मिडियाका अनुसार म्याक्सिम ल्युटी एक फूड ब्लगर हुन्, उसले आफ्नी पत्नी ओक्साना मिरोनोभासँग भिडियो बनाउने गरेका थिए । तर, भिडियो बनाउने नाममा बच्चाको ज्यान नै गए पछि उनलाई हालै अदालतले सजाय सुनाएको हो । 

सुनुवाइका क्रममा अदालतलाई गया म्याक्सिमले आफ्नी श्रीमतीलाई घरमै सुत्केरी गराउन बाध्य पारेकोसमेत खुलेको थियो । लुटीले बालककी आमालाई स्तनपान गराउन नदिएको प्रहरीले अदालतलाई बताएको छ । निर्दोष बालकलाई चिसो पानीले नुहाउँथे । यति मात्र होइन, भोक लाग्दा बच्चा रोए पछि घाममा बसाइ दिन्थे । 

प्रहरीका अनुसार उनको बुझाइमा घामबाट बच्चालाई पर्याप्त शक्ति मिल्छ भन्ने विश्वास थियो । भर्खरै बच्चा निकै बिरामी परेपछि सुरुमा अस्पताल लैजानसमेत मानेनन् । परिवारले प्रहरीलाई खबर गरेपछि बालकलाई जसरी अस्पताल पुर्याइयो तर चिकित्सकले उनलाई मृत घोषणा गरेका थिए ।

चिकित्सकका अनुसार कुपोषण र निमोनियाका कारण बालकको मृत्यु भएको हो । यसै क्रममा लुटीले आफ्नो छोरा कोसमोसलाई अलौकिक शक्ति दिन चाहेको बताए । सूर्यको प्रकाशमा बाँच्ने यस्ता प्रयासलाई रुसमा इन्डिया वा ब्रीथेरियनिज्म भनिन्छ। सूर्यको किरणबाट मात्र जीवन प्राप्त गर्न सकिन्छ भन्ने यसका अनुयायीहरू विश्वास गर्छन्। यस्ता प्रचलन पछ्याएर धेरै अनुयायी भोकले मरेका छन् ।


प्रतिक्रिया दिनुहोस !