काठमाडौं : नेपाल पत्रकार महासङ्घको चुनावमा ५२ पदको लागि १९९ जनाको भिडन्त हुने भएको छ । यही चैत २५ गते हुने नेपाल पत्रकार महासङ्घको केन्द्रीय समिति निर्वाचनमा उम्मेदवारी मनोनयन गर्नेको सङ्ख्या १९९ छ तीमध्ये ५२ जना मात्र निर्वाचित हुनेछन् । अध्यक्षको लागि ५ जनाको उम्मेदवारी परेको छ भने वरिष्ठ उपाध्यक्षको लागि ४ जनाको उम्मेदवारी परेको छ । ५२ वटा पदमा कुनैमा पनि निर्विरोध निर्वाचित भएका छैनन् । अर्थात् सबै पदको लागि भोट हाल्नुपर्ने हुन्छ ।
