स्थानीयलाई दबङ्ग स्टाईलमा खाल्डो खनेर पुरिदिने एमाले अध्यक्ष पालको धम्की « Supremekhabar
Edition
   ४ आश्विन २०७८, सोमबार
 |   Mon Sep 20 2021
Logo

स्थानीयलाई दबङ्ग स्टाईलमा खाल्डो खनेर पुरिदिने एमाले अध्यक्ष पालको धम्की



काठमाडौं : नेकपा एमालेका जिल्ला अध्यक्षको हस्तक्षेपका कारण बैतडीको एक स्वास्थ्य चौकीको स्तरोन्नतिको काम ठप्प बनेको छ। बैतडीको डिलासैनी गाउँपालिकामा रहेको स्वास्थ्य चौकीलाई सरकारले स्तरोन्नति गरी १० शय्याको आधारभूत अस्पताल बनाउने निर्णय गरेको थियो। जसमा नेकपा एमालेको जिल्ला अध्यक्ष सुरेन्द्र पालले हस्तक्षेप गरेको स्थानीयले आरोप लगाएका छन्। गत १५ पुसमा डिलासैनी–७ को धामीगाउँमा रहेको स्वास्थ्य चौकीलाई स्तरोन्नति गरी १० शय्याको भवन निर्माणका लागि शिलान्यास गरिएको थियो। तर पालले एकलौटी ढंगले कसैलाई पायक नपर्ने जंगलमा बनाउन थालेपछि विवाद बढेको हो।

उनले जबरजस्ती जंगल फँडानी गरी अस्पताल निर्माण गर्ने भन्दै डोजर लगाइरहेको स्थानीय जनक धामीले बताए। ‘सुरुमा जहाँ शिलान्यास भयो त्यहीँ अस्पताल निर्माण हुनुपर्छ भन्ने हामी स्थानीयको माग हो’, उनले भने, ‘तर एमालेका जिल्ला अध्यक्षले जबरजस्ती जंगल फाँडेर बनाउन खोजिरहेका छन्। जुन कसैलाई पायक पनि पर्दैन।’

मुख्य ठेकेदारले जहाँ शिलान्यास भएको हो त्यहीँ निर्माण गर्छु भनेपछि नियोजित ढंगले पेटी ठेकेदार नियुक्त गरी अन्तै अस्पताल भवन बनाउन लागिपरेको उनको भनाइ छ। डोजर रोक्न स्थानीयले विरोध गर्दैगर्दा अध्यक्ष पालले उल्टै विरोध गर्नेलाई खाल्डो खनेर पुरिदिन डोजर अपरेटरलाई फोनमार्फत् निर्देशन दिएको पाइएको छ। यस विषयमा पालसँग टेलिफोन सम्पर्क गर्दा उनले हामीसँग के विषयमा कुरा गर्नुपर्ने हो भनेर हामीसँग प्रश्न गरे। हामीले डिलासैनीको स्वास्थ्य चौकीको विवादको बारेमा भन्नेवित्तिकै उनले पाल मोबाइल चार्ज गरेर छाडेको जवाफ दिँदै फोन राखे ।

डिलासैनीमा पालले स्वास्थ्य चौकी निर्माणको विषयमा मात्रै नभएर अरु विषयमा पनि आफ्नो शक्तिको नाजायज फाइदा उठाउँदै आएको स्थानीयको आरोप छ। पालिकाको केन्द्रका सम्बन्धमा समेत पालले शक्तिको दुरुपयोग गरेका छन्। डिलासैनीको वडा नम्बर ७ मा पालिका केन्द्र तोक्ने र पालिकाकाको नाम डिलासैनी राख्ने निर्णय भएको थियो। तर अहिले पालले सो निर्णयको अवज्ञा गरी पालिकाका पदाधिकारीहरुलाई प्रलोभनमा पारेर पालिका आफ्नै घर नजिक सारेका छन्। यसको चर्को विरोध पनि भइरहेको छ।

विराधे बढ्दै गएपछि उनले केन्द्र नभइ सम्पर्क कार्यालय राखिएको बताउँदै आएका छन्। यद्यपि अहिले मुद्दा सर्वोच्च अदालतमा विचाराधीन छ। स्थानीयहरुका अनुसार पालले आफ्नो गाडी पालिकालाई महिनाको १ लाख २० हजार हुनेगरी भाडामा लगाएका छन्। तर प्रयोग भने पाल आफूले गर्ने गरेको स्थानीयको आरोप छ। यो विषयमा जनप्रतिनिधिहरु समेत बोल्न डराउने गरेका छन्।


प्रतिक्रिया दिनुहोस !


मोदीका दूत एस जयशंकरले धम्याएको ओलीको दाबी



आगामी विधान महाधिवेशनका लागि उनले तयार पारेको राजनीतिक प्रतिवेदनमा हाल भारतका विदेशमन्त्री रहेका जयशंकरले आफ्नो सुझावलाई मान्न दबाब दिएको जनाएका हुन् ।

‘२०७२ असोज १ गते विशेष दूत बनेर आएका भारतीय प्रतिनिधिले तत्कालीन प्रधानमन्त्री र राजनीतिक दलका नेताहरुलाई संविधान जारी नगर्न र आफ्नो सुझावका विपरीत गरिएमा आफूहरुलाई स्वीकार्य नहुने एवं परिणामम नराम्रो हुने धम्की दिएर फर्किए,’ ओलीको प्रतिवेदनमा भनिएको छ ।

जारी स्थायी कमिटीको बैठकमा सदस्यहरुबीच छलफलमा रहेको प्रतिवेदनमा नेपालको संविधान तयारी भएपछि जारी गर्नबाट रोक्नका लागि भारत प्रत्यक्ष रुपमा दबाब सिर्जना गरेको उल्लेख छ । ‘संविधान निर्माण हुँदैदेखि आफ्नो सरोकार र चासोलाई ध्यान नदिएको भनी असन्तुष्टि प्रकट गर्दै आएको भारत सरकारले संविधान निर्माण भइसकेपछि जारी नगर्न प्रत्यक्ष दबाब सिर्जना गर्यो,’ प्रतिवेदनमा भनिएको छ, ‘२०७२ असोज १ गते विशेष दूत बनेर आएका भारतीय प्रतिनिधिले तत्कालीन प्रधानमन्त्री र राजनीतिक दलका नेताहरुलाई संविधान जारी नगर्न र आफंनो सुझावविपरीत गरिएमा आफूहरुलाई स्वीकार्य नहुने एव| परिणाम नराम्रो हुने धम्की दिएर फर्किए ।

प्रतिक्रिया दिनुहोस !

एमालेका पूर्णकालीन नेता कार्यकर्तालाई मासिक तलबको व्यवस्था



काठमाडौं । नेकपा एमालेमा पूर्णकालीन नेता कार्यकर्तालाई मासिक तलबको व्यवस्था गरिने भएको छ । एमालेको विधान संशोधन प्रस्तावमा साविकको धारा ५६ को उपधारा १ र २ को सट्टामा धारा ७४ को उपधारा १ र २ को उल्लेख उल्लेख गरिएको छ ।

जसमा पार्टीका पूर्णकालीन सदस्यलाई सम्बन्धित कमिटीले अत्यावश्यक मासिक खर्चको व्यवस्था गर्ने उल्लेख गरिएको छ । पार्टीका नेता कार्यकर्तालाई काममा खटाउँदा हुने खर्चको व्यवस्था पनि काममा खटाउने सम्बन्धित कमिटीले गर्ने व्यवस्था गरिएको छ ।

जेष्ठ कम्युनिस्टलाई सम्मान

एमालेले जेष्ठ कम्युनिस्टलाई सम्मान गर्ने व्यवस्था पनि गरेको छ । विधान संशोधन मस्यौदा कार्यदलका संयोजक विष्णु पौडेलले स्थायी समिति बैठकमा पेश गरेको प्रतिवेदनमा सबै तहका कमिटीहरुले एक तह माथिल्लो कमिटीमार्फत पार्टीमा लामो समय योगदान गरेका र ७० वर्ष पुरा गरेका जेष्ठ कम्युनिस्टहरूलाई सम्मान गर्न केन्द्रीय कमिटीसमक्ष सिफारिस गर्ने उल्लेख गरिएको छ ।

विधानको धारा ७१ को उपधारा २ मा सिफारिस भएकाहरुको छानबिन गरी उनीहरुको अभिलेख राखेर केन्द्रीय कमिटीले परिचयपत्र प्रदान गर्ने र सम्मान गर्ने उल्लेख गरिएको छ । यसरी सम्मानित हुने जेष्ठ कम्युनिस्टहरूको मर्यादा सिफारिस गर्ने कमिटीको सदस्य सरह हुनेछ ।

एउटा पदमा दुई कार्यकाल बढी बस्न नपाउने 
विधानमा केन्द्रदेखि जिल्ला तहसम्मका पदाधिकारी एउटा पदमा दुई कार्यकालभन्दा बढी समय बस्न नपाउने व्यवस्था गरिएको छ । यस्तै त्यस्ता पदाधिकारी बन्नका लागि ७० वर्ष ननाघेको हुनुपर्नेछ ।

यस्तै कुनै पनि कमिटीको पदाधिकारी वा सदस्यमा कार्यरत व्यक्ति अर्को कमिटीमा पदाधिकारी वा सदस्यमा निर्वाचित हुन उम्मेदवार भएमा निज कार्यरत रहेको पद स्वतः रिक्त हुने व्यवस्था गरिएको छ । तर, पदेन सदस्यको हकमा भने यो व्यवस्था लागू हुनेछैन । स्थायी कमिटीले नेताहरुको सुझावसहित यो प्रतिवेदन केन्द्रीय समिति बैठकमा पठाउने निर्णय सोमबार गरिसकेको छ।

प्रतिक्रिया दिनुहोस !

संविधान दिवसमा आममाफी पाएका अपराधीको नाम सरकारले लुकायो



प्रतिक्रिया दिनुहोस !

ताजा

लोकप्रिय

%d bloggers like this: