१४ मंसिर २०७८, मंगलवार
 |   Tue Nov 30 2021
Logo

भारतको दबदबालाई तोड्दै चीन र भुटानको बीचमा एक महत्वपूर्ण सम्झौतामा हस्ताक्षर



काठमाडौं । चीन र भुटानले बिहीबार आयोजित भर्चुअल बैठकमा सीमा विवादलाई सामाधान गर्न तीन चरणको रोडम्यापमा समझदारी पत्र (एमओयू) मा हस्ताक्षर गरेका छन् । एमओयूमा भारतको कुनै पनि भूमिका नरहेको भन्दै चिनियाँ पक्ष खुसी भएको छ । चिनियाँ कम्यनिस्ट पार्टीको मुखपत्र ग्लोबल टाईम्सले सो सम्झौता ऐतिहासिक महत्वको रहेको बताएको छ । वर्षौंको संयुक्त प्रयास र दुई पक्षबीचको इमान्दारिताका कारण यसले वर्तमान गतिरोध तोड्ने र चीनबीच कूटनीतिक सम्बन्ध स्थापित गर्ने आधारशिला राख्ने दिशातर्फ अघि बढेको चिनियाँ पक्षले प्रतिक्रिया दिएको छ ।

सन् २०१७ मा डोकलाम गतिरोधमा भारतको जे भूमिका थियो । त्यसको विपरित चीन र भुटान बीच सीमा वार्तामा महत्वपूर्ण सुधार भएकाले अब सीमा क्षेत्रहरुमा समस्या ल्याउने सम्भावना कम रहेको चीनको भनाई छ । तर दुई देशको बीचमा भएको सम्झौताको काउन्टरमा भारतले भुटानमा नाकाबन्दी लगाउन सक्ने चीनको आशंका छ । भुटान र चीनको सीमा वार्तामा चीनका विदेश मामिला मन्त्री वू जियांगो र भुटानका विदेश मन्त्री लियोन्पो टान्डी दोर्जीले हस्ताक्षर गरेका छन् । चीन र भुटानको बीच सीमा मुद्दाहरुका विषयमा सन् १९४८ देखि वार्ता शुरु भएपनि यस भन्दा पहिले २० राउन्डको वार्ता असफल भएको थियो ।


प्रतिक्रिया दिनुहोस !


बालिका मृत्युकाे विषयलाई लिएर स्थानीय र प्रहरीबीच झडप, नाै जना सुरक्षाकर्मी घाइते



कपिलवस्तु, १४ मंसिर

सवारी दुर्घटनामा बालिका मृत्युको विषयलाई लिएर प्रहरी र स्थानीयबीच झडप हुँदा नाै जना सुरक्षाकर्मी घाइते भएका छन् । यशोधरा गाउँपालिका ६ सुठौली कार्यालय नजिकै लु ३ त ७६ नम्बरको ट्याक्टरले ठक्कर दिँदा १२ वर्षीय बालिका सुमन यादवकाे मृत्यु भएकाे थियो ।

मृत्युको विषयलाई लिएर सवारी साधन तोडफोड गर्न खोजेका स्थानीयवासी र प्रहरीबीच झडप भएको हाे ।  स्थितिलाई नियन्त्रणमा ल्याउन प्रहरीले पाँच राउण्ड र सशस्त्र प्रहरीले ६ राउण्ड अश्रु ग्यास फायर गरेका थिए ।  झडपमा परी प्रहरी निरीक्षक विजय सिंह, प्रहरी सहायक निरीक्षक पराग यादव, प्रहरी हवलदार कैलासकोटी चौधरी, प्रहरी जवान भुवन घर्ती, बाल गोविन्द कुर्मी, अनिल थारु, राज कुमार तेली, विवेक खत्री र कमल थापा घाइते भएका छन् ।  

अश्रु ग्यास प्रहारपछि प्रहरीले भिड नियन्त्रणमा लिएको थियो । अहिले अवस्था सामान्य रहेको छ । 

प्रतिक्रिया दिनुहोस !

एमाले महाधिवेशन : मतगणना सुरू, दुई घण्टामा परिणाम आउने



काठमाडौं, १४ मंसिर 

नेकपा एमालेको १०औँ महाधिवेशनमा नेतृत्व चयनका लागि भएको भएको निर्वाचनको मतगणना सुरू भएको छ । केहीबेर अघिबाट भएको मतदानको परिणाम दुई घण्टामा आउने बताइएको छ । 

दुई हजार १५३ जना प्रतिनिधि रहेकामा दुई हजार ९६ मत खसेको छ । विद्युतीय मेसिनबाट मतदान गरिएकाले परिणाम चाँडै आउने भएको छ । 

अध्यक्षमा केपी शर्मा ओली र भीम रावलको प्रतिस्पर्धा छ । 
 

प्रतिक्रिया दिनुहोस !

एमाले महाधिवेशन : २०९६ मत खस्यो, अब मतगणना सुरू हुने



चितवन, १४ मंसिर 

नेकपा एमालेको १०औँ महाधिवेशनमा नेतृत्व चयनका लागि भएको मतदानमा दुई हजार ९६ मत खसेको छ । 

कुल मतदाता दुई हजार १५३ जना रहेकामा दुई हजार ९६ मत खसेको निर्वाचन अधिकृत कमद पाठकले जानकारी दिए । उनकाअनुसार अबको केहीबेरमै मतगणना सुरू हुनेछ । 

विद्युतीय मेसिनबाट मतदान गरिएकाले चाँडै नै परिणाम आउने बताइएको छ । मतदान सकिएसँगै मुचुल्का उठाउने काम भइरहेको र अब केही समयमै मतगणना सुरू हुने अधिकृत पाठकले बताए । 

मतगणना भएको दुई घण्टामै परिणाम आउने अध्यक्ष पदका उम्मेदवार भीम रावलले जानकारी दिए । 

प्रतिक्रिया दिनुहोस !

%d bloggers like this: