नेपाली कांग्रेसको १४ औं महाधिवेशन अन्तर्गत खुल्ला तर्फको ३५ केन्द्रीय सदस्यको मतगणना जारी छ । अहिलेसम्मको परिणाम अनुसार टप टेनभित्र दुईजनाबाहेक पुराना अनुहार देखिएका छन् ।
२९९३ मतगणना हुँदामा डा. शशांक कोइरालाले सर्वाधिक मत ल्याएका छन् । कोइरालाले २ हजार ४ सय ४२ मत ल्याउँदा एनपी साउद दोस्रो स्थानमा रहेका छन् । साउदले १ हजार ८ सय ९६ मत पाएका छन् ।
तेस्रो स्थानमा रहेका गृहमन्त्री बालकृष्ण खाँणकोे १ हजार ८ सय ९६ मत ल्याएका छन् । चौथो स्थानमा युवा नेता उदयशमशेर राणा रहेका छन् । उनले १ हजार ८ सय ८ मत ल्याएका छन् ।
पाँचौ स्थानमा रहेका रमेश लेखकले १ हजार ७ सय ८२ मत ल्याउँदा छैटौ स्थानमा रहेका शंकर भण्डारीले १ हजार ७ सय ७१ मत ल्याएका छन् । सातौ स्थानका रामहरी खतिवडाले १ हजार ७ सय ७० मत पाएका छन् ।
सञ्चारमन्त्री ज्ञानेन्द्रबहादुर कार्की १ हजार ७ सय ६४ मतसहित आठौ स्थानमा छन् । त्यस्तै नवौं स्थानमा रहेका अर्जुननरसिंह केसीले १ हजार ७ सय १० मत ल्याएका छन् । त्यस्तै १ हजार ६ सय ७४ मतसहित जिपछिरिङ लामाले टपटेनमा स्थानमा बनाएका छन् ।
डा. शशांक कोइराला २४४२
एनपी साउद १८९६
बालकृष्ण खाण १८५१
उदय शमशेर राणा १८०८
रमेश लेखक १७८२
शंकर भण्डारी १७७१
रामहरी खतिवडा १७७०
ज्ञानेन्द्रबहादुर कार्की १७६४
अर्जनुनरसिंह केसी १७१०
जिपछिरिङ लामा १६७४
