एजेन्सी । चिनियाँ राष्ट्रपति सी जिनपिङ चार दिने रुसी भ्रमण सकेर स्वदेश फर्किएपछि रूसले युक्रेनमाथी भीषण हमला सुरु गरेको छ । सी चीन फर्किएको अर्को दिन रुसले इरानमा बनेको ड्रोनको मद्दतमा युक्रेनको राजधानी किभमा भीषण हमला थालेको अमेरिकी समाचार सस्था सीएनएनले जनाएको छ ।
रुसी हमलामा परी नौ जना युक्रेनी नागरिकको ज्यान गएको अन्तर्राष्ट्रिय समाचार माध्यमहरुले जनाएका छन् । युक्रेनी अधिकारीहरुका अनुसार एकैपटक छ वटा रुसी मिसाइलहरु एक अपार्टमेण्टमा ठोक्किएका थिए । सीको भ्रमणपछि रुसको आक्रमण कम हुने अपेक्षा गरिएको थियो तर रुस झन् आक्रमक बनेको छ ।