काभ्रेपलाञ्चोक जिल्लाका स्थानीय तहले खोल्न थालेका विद्यालय « Name of Truth News : News Portal in Nepal
   ४ कार्तिक २०७८, बिहीबार
 |   Thu Oct 21 2021
Logo

काभ्रेपलाञ्चोक जिल्लाका स्थानीय तहले खोल्न थालेका विद्यालय



काभ्रे । काभ्रेपलाञ्चोक जिल्लाका स्थानीय तहले विद्यालय खोल्न थालेका छन् । कोरोनाका कारण करिब छ महिनादेखि बन्द रहेका विद्यालय नेपाल सरकारले तोकेका स्वास्थ्य सुरक्षा अपनाएर खुल्न थालेका हुन् ।

पाँचखाल नगरपालिकाले सोमबारबाटै विद्यालय सञ्चालनमा ल्याएको छ । त्यस्तै, तेमाल गाउँपालिकाले मङ्गलबारबाट विद्यालय खुलेको जनाएको छ । बेथानचोक गाउँपालिकाले सरकारले तोकेको स्वास्थ्य सुरक्षा अपनाएर पठनपाठन सुरु गर्न वडालाई जिम्मा दिएको छ । अन्य स्थानीय तहका सहरी क्षेत्रका विद्यालयले अनलाइन कक्षा सञ्चालन गरेका छन् भने ग्रामीण भेगका सामुदायिक विद्यालयले रेडियो कक्षा, प्रत्यक्ष सिकाइ सहजीकरण गरिरहेको जनाएका छन् ।

पाँचखाल नगरपालिकाका नगरप्रमुख महेश खरेलले अभिभावक, विद्यालय व्यवस्थापन समिति र सरोकारवालासँगको छलफलपछि विद्यालयमा पठनपाठन सुरु गरिएको जानकारी दिनुभयो । नगरपालिकामा ३९ सामुदायिक र ११ निजी विद्यालय सञ्चालनमा छन् । सामाजिक दूरी कायम गर्न नगरले कक्षा सञ्चालनका लागि जोर–बिजोर प्रणाली लागू गरेको नगरप्रमुख खरेलले जानकारी दिनुभयो । नगरले सबै विद्यार्थीका लागि माक्स वितरण गरेको छ भने साबुन खरिद गर्न विद्यालयलाई अनुदान दिएको छ ।

तेमाल गाउँपालिका अध्यक्ष सलामसिंह तामाङले ४१ वटै विद्यालयमा पठनपाठन सुरु भएको जानकारी दिनुभयो । बढी विद्यार्थी भएका विद्यालयमा जोर–बिजोर प्रणालीमा सञ्चालन गरिएको छ । गाउँपालिकाले विद्यार्थी, शिक्षकलाई माक्स, स्यानिटाइजर दिएको छ । तेमाल गाउँपालिकाले हप्ताको एकदिन विद्यार्थी स्वास्थ्य परीक्षण प्रत्येक स्वास्थ्य चौकीमार्फत गर्ने निर्णयसमेत गरेको अध्यक्ष तामाङले जानकारी दिनुभयो ।

नमोबुद्ध नगरपालिकाका प्रमुख टङ्कप्रसाद शर्मा तिमल्सिनाले विद्यालय सञ्चालनका लागि छलफलमा जुटेको बताउनुभयो । हामीले विद्यालय नै सञ्चालन गरेका छैनौँ । छिट्टै शिक्षक, अभिभावकसँगको छलफल गरेर निर्णय गर्ने छौँ । रोसी गाउँपालिकाका अध्यक्ष डीबी लामाले गाउँपालिकाभित्र रहेका ७२ वटै विद्यालयमा माक्स, स्यानिटाइजर वितरण सकेको बताउनुभयो । उहाँले नियमित कक्षा सञ्चालनका लागि छलफल भइरहेको बताउनुभयो ।

महाभारत गाउँपालिकाका अध्यक्ष कान्छालाल जिम्बाले असोज १२ देखि विद्यालयबाटै पठनपाठन सुरु गरिने जानकारी दिनुभयो । उहाँका अनुसार विद्यार्थी भर्ना, पुस्तक वितरणलगायतका काम विद्यालयबाट भइरहेका छन् ।

बेथानचोक गाउँपालिकाका प्रमुख प्रशासकीय अधिकृत कृष्णप्रसाद सापकोटाले वडा÷वडालाई नै विद्यालय सञ्चालन गर्न जिम्मेवारी दिएको बताउनुभयो । गत आइतबारबाट नै विद्यालय सञ्चालन गर्ने गरी वडामै जिम्मेवारी दिएका छौँ । त्यहीअनुसार अधिकांश विद्यालय सञ्चालनमा आएको र केही सञ्चालनमा आउने तयारीमा रहेको जानकारी पाएका छौँ, उहाँले भन्नुभयो ।

शिक्षा, विज्ञान तथा प्रविधि मन्त्रालयले भदौ १८ गते विद्यार्थी सिकाइ सहजीकरण निर्देशिका जारी गरेको थियो । शिक्षा विकास तथा समन्वय एकाइ काभ्रेका प्रमुख गोकर्णध्वज कार्कीले स्थानीय तहले निर्देशिकाको व्यवस्थाबमोजिम त्यहाँको अवस्था हेरेर कक्षा सञ्चालन गरिरहेको बताउनुभयो ।


प्रतिक्रिया दिनुहोस !


मध्यपहाडी लोकमार्ग : कतै रुट खोज्दै हैरान, कतै ठेकेदारको तनाव



मध्यपहाडी लोकमार्ग निर्माण गर्न थालेको १५ वर्ष पुग्न लाग्यो । कास्कीको भैंसेदेखि याम्दीसम्मको खण्डमा भने अझै रुट टुंगिएको छैन । यहाँ ५ पटकसम्म रुट फेरियो । अझै कामअघि बढेन । सुरुमा लमजुङ र कास्कीको सिमाना रुदी दोभानदेखि कास्कीको रामकोट भएर वेगनास ताल निकाल्ने तयारी थियो ।

त्यहाँ स्थानीयले जग्गा नदिने लगायत समस्या भएपछि रामकोटबाट लिप्यानी, सौर्य हुँदै आर्वा निकाल्न प्रस्ताव आयो । त्यसमा पनि सहमति जुटेन । पछि भैंसे निकालेर सुनपँदालीको रुट तय गरियो ।

यो रुटमा सर्भे सकेर ट्रयाक खोल्न लागेपछि नेताहरूको स्वार्थले नयाँ रुट अघि सारिएको छ । भैंसेदेखि ज्याम्दु, मेलबोट, मौजाबाट अर्मलाकोट निकालेर भलाम हुँदै बाटुलेचौरदेखि याम्दी जोड्न प्रस्ताव गरिएको हो ।

यो रुटको जिल्लास्थित राजनीतिक दलका नेताहरूले पनि हेरेर सहमति जुटाएका छन् । ‘माथिल्लो निकायबाटै हेर्ने कुरा छ । एकपटक हामीले रेकी गरेर रुट पठाएका छौं । उपयुक्त भए त्यही रुट फाइनल हुन्छ । नत्र अर्को खोज्नुपर्छ,’ मध्यपहाडीको पर्वत कार्यालय प्रमुख मेघराज मरासिनीले भने, ‘बर्खा र कोभिडले रोकियो । केही समयमै टुंगिन्छ ।’ 

यसअघि प्रस्तावित रुटमा धेरै संरचना भत्काउनुपर्ने भएकोले पनि नयाँ ट्रयाक खोज्न लागिएको जिल्ला समन्वय समिति कास्कीका प्रमुख बैनबहादुर अधिकारीले बताए । ‘सहरका सडक यसै पनि स्तरीय हुन्छन् । भइरहेका सडकमा जोड्ने हो भने मध्यपहाडीको अर्थ के भयो र ?,’ उनले भने, ‘यो सडकले गाउँलाई समेट्नुपर्छ । सडकसुविधा पुग्यो भने गाउँको बसाइसराइ रोक्न सहयोग पुग्छ ।’

आर्वा र कसेरी क्षेत्रमा धेरैको घरजग्गा पर्ने र मुआब्जा बढ्ने भएपछि आयोजनाले रुट फेर्न लागेको बुझिएको छ । यसमा नेताहरूको स्वार्थ पनि मिसिएको छ । लमजुङदेखि बागलुङको सिमानासम्म २४५ किलोमिटर सडक पर्छ । त्यसमध्ये लमजुङदेखि १६ किलोमिटर वर भैंसेसम्म ठेक्कापट्टा सकिएर कामअघि बढेको छ । भैंसेदेखि याम्दी खण्डमा ट्रयाक छिनोफानो लागेको छैन । याम्दीदेखि नयाँपुलसम्मको खण्डमा काम पूरै सकिएको छ ।

नयाँपुलदेखि मालढुंगासम्म अन्तिम चरणमा छ । बागलुङ बजारदेखि घोडाबाँधेसम्मको खण्डमा भने बढी समस्या देखिएको छ । ठेकेदार कम्पनीले समयमा काम नगरिदिँदा समस्या भएको मरासिनीले बताए । त्यसपछि रुकुमसम्मको खण्डमा पनि काम करिब सकिएको उनको भनाइ छ ।

‘घोडाबाँधे क्षेत्रमा कन्ट्याक्टरको कारण रोकिएको हो । अन्यत्र खासै समस्या छैन,’ उनले भने, ‘यो आर्थिक वर्षमा रुदी-भैंसेबाहेक सबै खण्ड सकिन्छ । भैंसेदेखि याम्दी खण्डमा पनि ट्रयाक फाइनल हुन्छ ।’ 

तीन जिल्लामा ११ वटा कन्ट्याक्टरले काम गरिरहेका छन् । यो वर्ष एक अर्बको बजेटमा काम भइरहेको मरासिनीले जानकारी दिए । यो खण्डमा अघिल्लो वर्ष डेढ अर्बको काम भएको थियो ।

गण्डकीका अधिकांश प्याकेजमा समस्या देखिएको छ । कतै रुट खोज्दै हैरान छ भने कतै ठेकेदारले हैरानी दिएका छन् । गोरखा र लमजुङ खण्डमा पनि काम सुस्ताएको छ । यो दुई जिल्लामा सातवटा प्याकेजमा काम भइरहेको छ । यहाँ ११४ किलोमिटर सडक मध्यपहाडी लोकमार्ग अन्तर्गत पर्छ । खासगरी आरुघाटदेखि निवेलसम्मको खण्डमा ठेकेदारले काम नगरेको इन्जिनियर गोविन्द श्रेष्ठले जानकारी दिए । 

‘कोरोना नभएको भए ठेकेदार कारबाहीमा परिसक्थे । हाम्रो खरिद ऐनका कारण पनि धेरै कुरामा समस्या भएको छ,’ उनले भने, ‘कति ताकेता गर्दा पनि काम गरिदिएन । अब यही चैतभित्र काम नसके ठेक्का तोडेर नयाँ प्रक्रियाबाट काम गराउने तयारी छ ।’ 

दुईवटा प्याकेजबाहेक अरु प्याकेजको काम २०७५ मै सक्नुपर्ने सम्झौता छ । रसुवा इलाईट सूर्य जेभीले जिम्मा लिएका प्याकेजमा बढी समस्या छ । यो वर्ष एक अर्ब २८ करोडको काम हुने श्रेष्ठले जानकारी दिए ।

प्रतिक्रिया दिनुहोस !

विदेशी पर्यटकसहित १२ जना हिमपातले तुम्लिङमै फसे, हेलिकाेप्टरमार्फत उद्धारकाे तयारी



हुम्लाकाे नाम्खा गाउँपालिकास्थित हिल्सा र लिमीको ट्रेकिङमा हिँडेका विदेशी पर्यटकसहित १२ जना बाक्लो हिमपातले लिमी क्षेत्रको तुम्लिङमा राेकिएका छन् । 

लिमीको ट्रेकिङ सकेर सिमकोट फर्कदै गर्दा आइतबार रातिबाट परेको बाक्लो हिमपातले बाटो छिचोल्न नसके पछि स्लोभेनियाका चार नागरिक, तीन जना गाइड र पाँच जना स्थानीय गरी १२ जना तुम्लिङमा रोकिएकाे प्रमुख जिल्ला अधिकारी गणेश आचार्यले जानकारी दिए ।

ट्रेकिङमा आएका स्लोभेनियाका  नागरिकको उद्धारका लागि हेलिकोप्टरको व्यवस्थाका लागि गृह मन्त्रालयसँग समन्वय भइरहेकाे प्रजिअ आचार्यले जानकारी दिए । प्रजिअका अनुसार बुधबार मौसम सफा नभएको कारण उद्धार हुन सकेन ।

उद्धारका लागि हेलिकोप्टर मगाइएको  र बिहीबार उद्धार गरिने जिल्ला प्रशासन कार्यालय स्रोतले जानकारी दिएको छ । हिमपातको कारण नाम्खा गाउँपालिका-६ को लिमीको न्यालु लेकको बाटो अवरुद्ध हुँदा उनीहरुले बाटो छिचोल्न सकेका छैनन् ।

२२ असोजमा सिमकोटबाट हिल्सा हुँदै लिमीको ट्रेकिङमा गएकाे टोली र ट्रेकिङपछि न्यालु लेक हुँदै सिमकोट आउने कार्यक्रम थियाे । तर न्यालु लेकमा बाक्लो हिमपात भएपछि फर्कन नसकेकाे रिऋा टुरका हुम्ला प्रतिनिधि पेमा लामा बताए । न्यालु लेकमा तीन फिटभन्दा बढी हिमपात छ । बाटाे अवरुद्ध बनेकाे नाम्खा गाउँपालिका-६ को वडा अध्यक्ष पाल्जोर तामाङले बताए ।

प्रतिक्रिया दिनुहोस !

एमालेले बोलायो स्थायी कमिटी बैठक, यस्ता छन् एजेण्डा



काठमाडौं । नेकपा एमालेले पार्टीको स्थायी कमिटीको बैठक बोलाएको छ । पार्टी बिहीबार अपरान्ह ४ बजे तुल्सीलाल प्रतिष्ठान च्यासलमा बस्ने गरी स्थायी कमिटी बोलाइएको एमाले पार्टी कार्यालयका सचिव शेरबहादुर तामाङले जानकारी दिएका छन् । 

उनकाअनुसार बैठकका मुख्यतः पाँचवटा एजेण्डा छन् । बैठकमा विधान महाधिवेशन समीक्षा, ६ कात्तिकमा हुने भनिएको वडा अधिवेशन,  ९ कात्तिकमा हुने भनिएको पालिका अधिवेशन, राष्ट्रिय महाधिवेशन र हालै भएको अविरल वर्षका कारण भएको जनधनको क्षति सम्बन्धमा छलफल हुनेछ  ।

प्रतिक्रिया दिनुहोस !

ताजा

लोकप्रिय

%d bloggers like this: