भारतमा लोकसभा चुनावको पहिलो चरणको चुनावका चर्चित उम्मेदवार

नयाँ दिल्ली, ७ बैशाख । भारतमा लोकसभा चुनाव सुरु हुन आजबाट सुरू हुदैँछ । 

पहिलो चरणको निर्वाचनमा अप्रिल १९ मा बिहानवाट मतदान सुरू हुँदैछ । यस चरणमा केन्द्रमा सत्तारुढ भारतीय जनता पार्टी (भाजपा) नेतृत्वको एनडीए र विपक्षी भारतीय गठबन्धनबीच धेरै लोकसभा सिटहरूमा प्रतिस्पर्धा हुनेछ ।  चुनावी मैदानमा धेरै ठूला अनुहार छन्, जसमाथि भारतीय जनताको नजर रहेको छ । 
छ ।

तमिलनाडु बीजेपी अध्यक्ष के अन्नाम

जस्तो कि, तमिलनाडुको कोइम्बटूर लोकसभा सीटका लागि त्रिकोणात्मक प्रतिस्पर्धामा सबैको नजर छ। तमिलनाडु बीजेपी अध्यक्ष के अन्नामलाई, डीएमके नेता गणपति पी राजकुमार र एआईएडीएमकेका अखिल भारतीय अन्ना द्रविड मुनेत्र कझगम (एआईएडीएमके) सिङ्गाई रामचन्द्रन यस सीटका लागि उम्मेद्वार छन्।

केन्द्रीय मन्त्री नितिन गडकरी नागपुरबाट

केन्द्रीय सडक यातायात तथा राजमार्ग मन्त्री तथा भाजपाका वरिष्ठ नेता नितिन गडकरी महाराष्ट्रको नागपुर सिटबाट उम्मेदवार छन्। उनले जित्यो भने यो सिटमा उनको लगातार तेस्रो जित हुनेछ । यस सिटमा कांग्रेस उम्मेदवार विकास ठाकरेले गडकरीसँग प्रतिस्पर्धा गरिरहेका छन् । ठाकरे हाल नागपुर पश्चिमबाट विधायक रहेका छन ।

वरुण गान्धी र जितिन प्रसाद 

जितिन प्रसाद पनि लोकसभा चुनावको पहिलो चरणका प्रमुख अनुहारहरूमा पर्छन्। २०२१ मा कांग्रेस छोडेका प्रसाद पीलीभीत सीटबाट बीजेपीका उम्मेदवार हुन्। यस पटक उनी पीलीभीतबाट दुई पटक सांसद भइसकेका वरुण गान्धीको स्थानमा भाजपाका उम्मेदवार हुन्। पछिल्लो दुई लोकसभा चुनावमा उत्तर प्रदेशमा भाजपाले उत्कृष्ट प्रदर्शन गरेको थियो र अधिकांश सिट जितेको थियो।

गया सीटबाट एनडीएका उम्मेदवार जीतनराम मांझी

बिहारका पूर्व मुख्यमन्त्री जीतनराम मांझी बिहारको गया सिटबाट चुनाव लडिरहेका छन् । ७९ वर्षीय मान्झीका लागि यो निर्वाचनले ठूलो राजनीतिक महत्व राखेको छ । गयामा सबैभन्दा बढी १४ जना उम्मेदवार चुनाव लडिरहेका छन् । यस चुनावमा भाजपाले आफ्नो सहयोगी हिन्दुस्तानी अवाम मोर्चा (सेक्युलर एचएएम एस) को लागि गया (आरक्षित) सीट छोडेको छ। यसपटक जीतनराम मांझी र पूर्वमन्त्री तथा राजदका उम्मेदवार कुमार सर्वजीतबीच प्रतिस्पर्धा छ ।