माधवकुमार नेपाल नेतृत्वको नवगठित पार्टी नेकपा एमाले (समाजवादी)मा ३१ जना सांसद रहने भएका छन्।
पार्टीका नेता राजेन्द्र पाण्डेका अनुसार नवगठित पार्टीमा ३१ सांसदसहित ९५ केन्द्रीय सदस्य रहेका छन् ।
नेपालवाचसँग कुरा गर्दै नेता पाण्डेले एमाले(समाजवादी)मा ३१ सांसद र ५८ जना केन्द्रीय सदस्यसहित ९५ जनाको केन्द्रीय समिति रहेको बताए ।
‘नयाँ बनेको दलको केन्द्रीय कमिटीमा ९५ केन्द्रीय सदस्य छन् । साविक एमालेका ५८ जना केन्द्रीय सदस्य समेटिएको छ,’ उनले भने, ‘चुनाव चिन्ह भने अहिले तोकिएको छैन।’
नेता पाण्डेले दल दर्ताको प्रमाणीकरण पाएपछि राष्ट्रिय सम्मेलन गर्ने र नयाँ क्रान्तिकारी पार्टीका रुपमा अघि बढ्ने बताएका छन् । उनले वामदेव गौतम पनि आफ्नै पक्षमा आउन सक्ने संकेत पनि गरेका छन्।
नवगठित पार्टीको चुनाव चिन्ह खुला किताव प्रस्ताव गरिएपनि अहिले नै टुंगो नलागेकोले उनको भनाइ छ । ‘चुनाव चिन्ह अहिले नै टुंगो लागेको छैन्, खुला किताब प्रस्ताव भएपनि अझै कलम चिन्ह हुन पनि सक्छ,’ उनले भने ।