पार्टी गम्भीर संकटमा छ, भित्रैबाट नेतृत्वमाथि घेराबन्दी भयो : विप्लव « Name of Truth News : News Portal in Nepal
   ४ कार्तिक २०७८, बिहीबार
 |   Thu Oct 21 2021
Logo

पार्टी गम्भीर संकटमा छ, भित्रैबाट नेतृत्वमाथि घेराबन्दी भयो : विप्लव



काठमाडौं । झन्डै साढे दुई वर्षे राजनीतिक प्रतिवन्ध झेलेर एक वर्षअघि खुला राजनीतिमा आएको नेत्रविक्रम चन्द विप्लव नेतृत्वको नेपाल कम्युनिष्ट पार्टी गाउँ केन्द्रीत संगठन विस्तार अभियानमा लागेको छ । गाउँ केन्द्रीत संगठन विस्तारमा जुटेको नेकपाले पार्टीका वैठकहरु पनि गाउँमै राख्ने गरेको छ । यसैबीच खुला राजनीतिमा आएपछि पहिलो पटक बसेको सो पार्टीको केन्द्रीय कमिटीको बैठक पनि गाउँमै शुरु भएको छ । पाँच दिनसम्म चल्ने केन्द्रीय कमिटीको नवौँ पूर्ण वैठक आजदेखि तनहुँको बन्दीपुरमा शुरु भएको हो ।

बन्दिपुर गाँउपालिका ४ स्थित होटल माउण्ड रिसोर्टमा बसिरहेको बैठक असोज पाँच गतेसम्म चल्ने बताइएको छ । वैठकमा भाग लिन सो पार्टीका महासचिव विप्लवसहितका शीर्ष नेता हिजो बिहान साढे ९ बजे रिसोर्टमा पुगेका थिए । रिसोर्टमा विप्लवसंगै प्रवक्ता खडक बहादुर विश्वकर्मा प्रकाण्ड, सचिवालय सदस्य धमेन्द्र बास्तोला कञ्चन, हेमन्त प्रकाश ओलि सुर्दसन, सन्तोष बुढा मगरलगायतका नेताहरु सहभागी भएका छन् । केन्द्रीय सदस्यहरु उमा भुजेल शिलु, अनिल शर्मा विरही, भरत बम रणवीर, ओमप्रकाश पुन ओम, सावित्री बुढा आशालगायतका नेताहरु पनि वैठकमा सहभागी हुन् बन्दीपुर पुगेका छन् । वैठकमा सो पार्टीको गण्डकी प्रदेशका जनसत्ता प्रमुख निरू थापा, तनहुँ जिल्ला इञ्चार्ज पुर्णजीत पुन, जिल्ला सेक्रेटरी राजु बिक एटम सहभागी छन् ।

बैठकमा विप्लवले पेश गरेको दस्तावेजमा पार्टीमा नेतृत्वमाथि घेराबन्दी भएको उल्लेख गरिएको सो पार्टीका पूर्व पोलिटव्यूरो सदस्य रहेका एक नेताले बताए । पार्टी नेतृत्वमाथि घेराबन्दी भएकाले पार्टी गम्भीर संटकमा पुगेको विप्लवले केन्द्रीय समितिमा पेश गरेको दस्तावेजमा उल्लेख गरिएको हो । पछिल्लो समय विप्लव नेकपाभित्र पार्टी प्रवक्ता प्रकाण्डले दह्रो पकड बनाएको चर्चा चलरहेको बेला विप्लवले केन्द्रीय समितिमा नै नेतृत्वमाथि घेराबन्दी भएको उल्लेख छ । तर कसले घेराबन्दी गरेको हो भन्ने विषयमा भने स्पष्ट नपारिएको ती केन्द्रय सदस्यले जानकारी दिए । नेकपामा तीन धार स्पष्ट रुपमा देखा परेको स्रोतको दाबी छ । विप्लवको आफ्नै राजनीतिक लाईन, प्रकाण्डको दोस्रो र हेमन्तप्रकाश ओली र धर्मेन्द्र बास्तोलाको तेस्रो धार देखिएको बेला विप्लवले नेतृत्व घेराबन्दीमा परेको केन्द्रीय समिति बैठकमा दस्तावेजमा उल्लेख गर्नुलाई सो पार्टी तीन टुक्रामा विभाजन हुन सक्ने सो पार्टी कै नेताहरु बताउँछन् ।

 


प्रतिक्रिया दिनुहोस !


एमालेको दशौँ महाधिवेशनको स्थान फेरियो



काठमाडौं । नेकपा एमालेले आगामी मंसिरमा बुटवलमा गर्ने तय भएको दसौँ राष्ट्रिय महाधिवेशनको स्थान परिवर्तन भएको छ । महाधिवेशन बुटवलको साटो चितवनमा हुने भएको छ । विहीबार बसेको स्थायी कमिटीको बैठकले दसौँ महाधिवेशन बुटवलबाट चितवन सार्ने निर्णय गरेको हो । बिहीबारको स्थायी कमिटी बैठकले असोज १५–१७ गते गोदावरीमा सम्पन्न विधान महाधिवेशनको समीक्षा गरेको बैठक पछि एक नेताले जानकारी दिए ।

साथै, १० बुँदे सहमतिका विषयमा विहिबारको बैठकमा छलफल हुने एक स्थायी कमिटी सदस्यले बताए । बुधबार एक कार्यक्रममा अध्यक्ष केपी शर्मा ओलीले १० बुँदको औचित्य सकिएको बताएपछि तेस्रो धारका नेताहरु असन्तुष्ट देखिएका छन् ।​ यसैबीच दसौँ महाधिवेशन सफल पार्नका लागि रामबहादुर थापा बादलको संयोजकत्वमा २१ सदस्यीय मूल व्यवस्थापन कमिटी पनि गठन गरिएको बैठकपछि पार्टीका प्रवक्ता प्रदीप ज्ञवालीले पत्रकारहरुलाई जानकारी दिए ।

प्रतिक्रिया दिनुहोस !

पचास प्रतिशत बढी जापानीहरु चीनको पक्षमा, अमेरिका मुख्य बाधक भएको ठहर



काठमाडौं । अधिकांश जापानीहरु अमेरिकाभन्दा चीनसँग नजिक हुनु पर्ने पक्षमा रहेको चिनिँया समाचार संस्था ग्लोबल टाईम्सले दाबी गरेको छ । सन् २०२१ मा चीन जापान सम्बन्ध जनमत सर्वेक्षणको नतिजा बुधवार बेइजिंग र टोकियोमा जारी गरिएको थियो । अनुसन्धानले पचास प्रतिशत बढी मानिसहरु अमेरिकाभन्दा चीनसँग नजिक हुनु पर्ने पक्षमा रहेका छन् । सो सर्वेक्षणमा सहभागी अधिकांश जापानीहरुले अमेरिका नै चीन र जापानको सम्बन्धमा मुख्य अवरोध रहेको बताएका छन् ।

सन् २००५ मा शुरू भएको वार्षिक सर्वेक्षण, दुई देशहरुको लागि सार्वजनिक राय बुझ्न र आपसी समझदारीको बढावाको लागि अध्ययन थालेको थियो । यस वर्षको सर्वेक्षण चीनको विदेशी भाषा प्रकाशन प्रशासन र एक जापानी थिंकट्यांक जेनरोन एनपीओले अगस्टको अन्त्यदेखि सेप्टेम्बरको अन्त्यसम्म दुई देशमा संयुक्त रूपमा सर्वेक्षण सञ्चालन गरिएको थियो। चीन र जापान दुबै देशका उत्तरदाताहरु द्विपक्षीय सम्बन्धको महत्वमा उच्च प्राथमिकतामा राखेका थिए । क्षेत्रीय सहयोग र वैश्विक चुनौतिहरुको विषयमा चिन्ता देखाएका थिए ।

सर्वेक्षणमा ७०.९ प्रतिशत चिनियाँ र ६४.४ प्रतिशत जापानी उत्तरदाताले चीन र जापान द्विपक्षीय सम्बन्ध महत्वपूर्ण रहेको बताए । त्यस्तै विश्वव्यापी महामारीको बीचमा जापानले टोकियो ओलम्पिकको सफल आयोजना गरेकोमा चिनियाँ उत्तरदाताहरुले उच्च प्रशंसा व्यक्त गरेका छन्। सर्वेक्षणले ८०.६ प्रतिशत चिनियाँ र ५६.४ प्रतिशत जापानीहरुले इतिहासलाई चीन र जापान सम्बन्धमा एक प्रमुख समस्याको रुपमा लिएका छन् । जबकि ६२.४ प्रतिशत चिनियाँ र ५६.७ प्रतिशत जापानीहरुले सीमा दुई देशको बीचमा भएको सीमा विवादलाई सम्बन्धमा बाधा पर्ने सबैभन्दा महत्वपूर्ण मुद्दा भनेका छन् । एसियाको क्षेत्रीय मामिलामा कोरियाली प्रायद्वीपको परमाणु निशस्त्रीकरण, चीन र जापान समुद्री र वायु संकट व्यवस्थापन, उर्जा संरक्षण र वातावरणीय संरक्षण दुबै पक्षमा उत्तरदाताहरुको मुख्य चासो थियो।

प्रतिक्रिया दिनुहोस !

मुख्यमन्त्रीको विश्वासको मतसम्बन्धी प्रस्तावमा मतदान नगरी प्रदेशसभा बैठक स्थगित



काठमाडौं । मुख्यमन्त्री अष्टलक्ष्मी शाक्यको विश्वासको मतसम्बन्धी प्रस्तावमाथि मतदान नगरी बागमती प्रदेशको प्रदेशसभा बैठक कात्तिक १० गतेसम्म स्थगित भएको छ । बिहीबारको बैठकमा मुख्यमन्त्री शाक्यले राखेको विश्वासको मतसम्बन्धी प्रस्तावमा छलफल सकिएपछि सभामुख सानुकुमार श्रेष्ठले कात्तिक १० गतेसम्मका लागि बैठक स्थगित गरिदिएका हुन् ।

बैठकमा मुख्यमन्त्री शाक्यले आफूलाई विश्वासको मत दिन प्रदेशसभासमक्ष प्रस्ताव गरेकी थिइन् । तर विपक्षी गठबन्धनमा रहेका नेकपा माओवादी केन्द्र संसदीय दलका नेता शालिकराम जम्मकट्टेल, नेपाली कांग्रेस संसदीय दलका नेता ईन्द्रबहादुर बानियाँ, नेकपा एकीकृत समाजवादी संसदीय दलका नेता राजेन्द्र पाण्डे र जनता समाजवादी पार्टीका सांसद प्रेमबहादुर तामाङले मुख्यमन्त्री शाक्यलाई विश्वासको मत दिन नसक्ने बताएका थिए ।

प्रतिक्रिया दिनुहोस !

ताजा

लोकप्रिय

%d bloggers like this: