वरीयताक्रम मिचेर बढुवा गरिएका खनाल सेवानिवृत्त भएपछि सचिवविहीन बन्यो नेपाल ट्रष्टको कार्यालय « Name of Truth News : News Portal in Nepal
   ६ कार्तिक २०७८, शनिबार
 |   Sat Oct 23 2021
Logo

वरीयताक्रम मिचेर बढुवा गरिएका खनाल सेवानिवृत्त भएपछि सचिवविहीन बन्यो नेपाल ट्रष्टको कार्यालय



काठमाडौं । नेपाल ट्रष्टको कार्यालय आइतबारदेखि सचिवविहीन भएको छ । प्राविधिकतर्फ नेपाल इन्जिनियरिङ सेवातर्फका राजपत्रांकित विशिष्ट श्रेणीका सचिव राजेन्द्रप्रसाद खनाल सेवानिवृत्त भएपछि नेपाल ट्रष्ट सचिवविहीन बनेको हो । उमेर हदका कारण खनाल सचिवमा बढुवा भएको दुई महिनामै सेवानिवृत्त भएका हुन् ।

छोटो समयमै अवकाश पाउन लागेका खनाललाई सरकारले गत २८ असारमा वरिष्ठताको क्रम मिचेर सचिवमा बढुवा गरेको थियो । त्यसबेला बढुवा समितिको सिफारिसमा पहिलो नम्बरमा परेका अर्का सहसचिव गोपालप्रसाद सिग्देल भने अहिले पनि सचिवमा बढुवा भएका छैनन् । लोक सेवा आयोगका अध्यक्ष माधवप्रसाद रेग्मीको अध्यक्षतामा बढुवा समितिले २७ असारमा सिग्देल, खनाल र सरजुकुमार वैद्यको नाम क्रमशः पहिलो, दोस्रो र तेस्रो नम्बरमा सिफारिस गरेको थियो ।

साधारणतया पहिलो नम्बरमा सिफारिस भएकालाई बढुवा गर्ने अभ्यास छ । तर, खनाललाई भने सरकारले छोटो समयमात्रै कार्यावधि बाँकी रहेको भन्दै वरीयताक्रम मिचेर बढुवा गरेको थियो । त्यसबेला सचिव नभएका सिग्देल भने असन्तुष्ट छन् । वरीयता मिचेर बढुवा भएका सचिव खनाल अवकाश भइसक्दा पनि सिग्देलको भने बढुवा प्रक्रिया अघि बढेको छैन । मन्त्रालय स्रोतका अनुसार खनालको अनिवार्य अवकाशको पत्र बढुवा सिफारिस समितिलाई प्राप्त भइसकेको, तर त्यसबारे छलफल गर्न समितिको बैठक भने बसेको छैन ।

आगामी पुसदेखि राष्ट्रिय पुनर्निर्माण प्राधिकरणको कार्यावधि सकिँदैछ । त्यसपछि प्राधिकरणका प्राविधिकतर्फकै सचिव सुशीलचन्द्र तिवारीलाई व्यवस्थापन गर्नुपर्ने हुन्छ । यदि तिवारीको व्यवस्थापनकै लागि अहिले सचिव बढुवा नगरे नेपाल ट्रष्टको कार्यालय ४ महिनासम्म सचिवविहीन हुनेछ । बढुवा गरेको अवस्थामा भने प्राधिकरणको कार्यावधि सकिएपछि एक जनालाई जगेडामा राख्नुपर्ने हुन्छ ।


प्रतिक्रिया दिनुहोस !


विपद्मा परेकालाई सरकारले राहत दिनुपर्छ : वरिष्ठ नेता पौडेल



नेपाली कांग्रेसका वरिष्ठ नेता रामचन्द्र पौडेलले बाढी, पहिरो प्रभावित जनतालाई सरकारले राहत दिनुपर्ने बताउनुभएको छ । उहाँले विपद्मा परेकाका लागि प्याकेज कार्यक्रम ल्याउनुपर्नेमा जोड दिनुभयो ।

कांग्रेस कैलालीले आज धनगढीमा आयोजना गरेको कार्यकर्ता भेटघाटमा वरिष्ठ नेता पौडेलले किसानलाई बीउविजन, मल, ऋण, क्षतिपूर्ति, भत्केका संरचना निर्माणलगायत सबै किसिमको प्रबन्ध मिलाउन सरकारले दीर्घकालीन र तत्कालीन कार्यक्रम ल्याउनुपर्ने बताउनुभयो ।

सरकारलाई अझ तदारुकताका साथ राहत कार्यक्रममा जुटन आग्रह गर्ने उहाँले बताउनुभयो । फरक प्रसङ्गमा नेता पौडेलले अझै पनि लोकतन्त्रमाथि सङ्कट नटरेकाले त्यसको रक्षाका लागि कांग्रेसले खबरदारी गर्नुपर्ने बताउनुभयो ।

उहाँले भन्नुभयो, “कांग्रेस बलियो भयो भने मात्रै नेपालमा लोकतन्त्रको रक्षा हुन्छ र लोकतन्त्रको रक्षा भए मात्रै नेपाल राष्ट्रको स्वाधिनताको रक्षा हुन्छ ।” वरिष्ठ नेता पौडेलले कांग्रेसको सबलता र सक्षमता नेपालको लोकतन्त्रसँग गाँसिएको उल्लेख गर्नुभयो ।

प्रतिक्रिया दिनुहोस !

अध्यात्मिक शिक्षाले मानव कल्याण र विश्व शान्तिको मार्ग देखाउँछः मुख्यमन्त्री राउत



जनकपुरधाम, ६ कात्तिक

प्रदेश २ का मुख्यमन्त्री लालबाबु राउतले भौतिकवादी युगमा मानिसलाई अहिंसाको बाटोमा डोर्‍याउन अध्यात्मिक शिक्षाको महत्व रहेको बताएका छन् ।

जनकपुरधाम उपमहनगरापालिका–१४ मुजेलियास्थित ब्रह्मकुमारी राजयोग सेवा केन्द्र जनकपुरद्वारा मुजेलियामा नवनिर्मित प्रशिक्षण केन्द्र ॐ शान्ति मिथिला बाटिकाको शनिबार उद्घाटन समारोहमा मुख्यमन्त्री राउतले भने, ‘कुनै पनि धर्मका धार्मिक शिक्षाले मानिसलाई अहिंसाको मागमा चल्न सिकाउछन् । धार्मिक शिक्षाले पनि समाजलाई जोड्छ,धार्मिक सदभाव बढाउछन, भाइचारा, मानव कल्याण र विश्व शान्तिको वकालत गर्छन् ।’

पाँच कठ्ठा क्षेत्रफलमा चार करोड पचास लाखको लागतमा निर्माण भएको उक्त भवनमा राजयोग सेवा केन्द्रसँग सम्बन्धित प्रशिक्षणहरु सञ्चालन हुने जनाइएको छ । सेवा केन्द्रको नेपाल निर्देशक राज दादी मा को अध्यक्षतामा भएको उद्घाटन समारोहमा प्रदेशसभा सदस्य सत्रुधन महतो, राम अशिष यादव , परमेश्वर साह, शारदा थापासहित समाजसेवीको सहभागिता थियो ।

प्रतिक्रिया दिनुहोस !

धनुषामा एमालेको ११७ वटा वडाको अधिवेशन सर्वसम्मत



धनुषामा नेकपा एमालेको ११७ वडामा अधिवेशन सम्पन्न भएको छ ।

जिल्लामा रहेका १७० वडामा उद्घाटन सत्र सम्पन्न भए पनि ११७ वटा वडामा शनिवार अधिवेशन सम्पन्न हुन सकेको एमालेका धनुषा जिल्ला अध्यक्ष राजकिशोर यादवले बताए । ११७ वटै वडामा सर्वसम्मत अधिवेशन सम्पन्न भएको उनले बताए । ‘१७० वटै वडामा अधिवेशनको उद्घाटन सत्र सम्पन्न भइसकेको छ,’ उनले भने, ‘बाँकी रहेका वडाहरुमा सहमतिले नै नेतृत्व चयन गरिने विषयमा छलफल पनि भइरहेकोले भोलिसम्म सबै वडाको अधिवेशन सम्पन्न हुनेछ ।’

९ कात्तिकमा पालिकाको अधिवेशन रहेकोले त्यसअघि नै वडा अधिवेशन गर्नुपर्ने बाध्यता रहेकोले आफूहरु त्यसमै सक्रियतापूर्वक लागेको उनले बताए । नेकपा एमालेको अगामी १० मंसिरमा राष्ट्रिय महाधिवेशनको समय तोकिएको छ । पार्टीको महाधिवेशनपश्चात मात्रै जिल्ला अधिवेशन हुने उनले बताए । पार्टीको वडा अधिवेशन गराउन यतिबेला एमालेका जिल्ला नेताहरु आ-आफ्ना क्षेत्रमा सक्रिय भएका छन् ।

प्रतिक्रिया दिनुहोस !

ताजा

लोकप्रिय

%d bloggers like this: