काठमाडौं । अमेरिकी राष्ट्रिय सुरक्षा परिषद्ले इरानको लाल सागरमा व्यावसायिक जहाजहरूविरुद्धको कारबाही योजनामा गहिरो संलग्नता रहेको दाबी गरेको छ । अमेरिकी राष्ट्रिय सुरक्षा परिषद्का प्रवक्ता एड्रियन वाट्सनले शुक्रबार एक नयाँ गोप्य सूचना जारी गर्दै इरान समर्थित हुथी विद्रोहीहरूले विगत चार हप्तामा लाल सागर पार गर्ने करिब एक दर्जन व्यावसायिक र व्यापारी जहाजहरू विरुद्ध १०० भन्दा बढी आक्रमणहरू गरेको बताएका छन् ।
नयाँ खुफिया रिपोर्ट अनुसार गाजा संकटमा इरानी समर्थनले हुथीहरूलाई इजरायल र समुद्रीमा व्यवसायीक जहाजहरुविरुद्ध आक्रमण गर्न सक्षम बनाएको छ । मंगलबार, एक वरिष्ठ अमेरिकी सैन्य अधिकारीले भने, इरानीहरूले लाल सागरमा हुथीहरूलाई आक्रमणको निशाना लगाउन मद्दत गरिरहेको छ ।
खुफिया रिपोर्ट अनुसार इरानीहरूले हुथीहरूलाई निगरानी गर्न सक्ने प्रणाली प्रदान गरेका छन्, जसले उनीहरूलाई समुद्री अन्तरिक्षमा काम गर्न सघाईरहेको छ । लाल सागर संसारको सबैभन्दा महत्त्वपूर्ण समुद्री व्यापार मार्गहरूको केन्द्र हो । हुथी आक्रमणले कम्तिमा ४४ देशहरूका व्यवसायीक जहाजहरूमा आक्रमण हुँदा अन्तर्राष्ट्रिय व्यापार अवरुद्ध भएको अमेरिकी दाबी छ।
