१४ मंसिर २०७८, मंगलवार
 |   Tue Nov 30 2021
Logo

सभापति र महामन्त्री एक हुँदा पनि पौडेल पक्षका उम्मेदवारलाई हराउन सकेनन्



नवलपुर कांग्रेसका केन्द्रीय महामन्त्री डा. शशांक कोइरालाको गृहजिल्ला हो । २०७४ को प्रतिनिधिसभा निर्वाचनमा कोइराला मात्रै विजयी भएनन्, उनी निकटका कृष्णचन्द्र नेपाली पोखरेल र जिल्ला सभापति विष्णुप्रसाद लामिछानेले पनि बाजी मारे ।

यसको अर्थ नवलपुरमा कोइराला प्यानल राम्रो थियो । १४औं महाधिवेशनमा भने अनौठो नतिजा आएको छ । यहाँ कोइरालाले आफू मात्रै हुँदा चुनाव नजित्ने देखेपछि वरिष्ठ नेता रामचन्द्र पौडेलविरुद्ध पार्टी सभापति शेरबहादुर देउवासँग मिलेर चुनावी मोर्चा बनाए ।

नवलपुरमा देउवा समूहको पनि राम्रै उपस्थिति छ । तर, नतिजा भने ठिक उल्टो आयो । सभापति र महामन्त्रीको गठबन्धनलाई जिल्याउँदै पौडेल समूहका उम्मेदवारले जीते । क्षेत्र नम्बर १ मा पौडेलका उम्मेदवार विजयी भएका छन् भने २ मा बराबर भएको छ ।

नम्बर १ मा पौडेल पक्षका अमृत भट्टचन विजयी हुँदा देउवा–कोइराला प्यानलका कमलप्रसाद पंगेनी २२३ मतान्तरले पराजित भए । भट्टचनले ६ सय ७० मत पाए भने पराजुलीको पक्षमा ४४७ मत मात्रै आयो । सचिव र सहसचिवमा दुवै प्यानलका १–१ जना विजयी भएका छन् ।

क्षेत्र नम्बर २ मा सभापतिका दुवै उम्मेदवारले बराबर मत पाएका छन् । पौडेल समूहका सूर्य गुरुङ र देउवा–कोइराला प्यानलका जगत कार्कीले समान ३९४ मत पाएका छन् । अरू सबै विजेता देउवा–कोइराला प्यानलका छन् । सचिवमा फणीन्द्रराज आचार्य र दुर्गाबहादुर गुरुङ तथा सहसचिवमा विन्दु अधिकारी केसी र रोशन श्रेष्ठ निर्वाचित भएका नवलपुर कांग्रेसका सभापति विष्णु लामिछानेले जानकारी दिए । मत बराबर भएको सभापतिको टुंगो लगाउन अहिले बैठक बसिरहेको छ ।


प्रतिक्रिया दिनुहोस !


राखेपका नवनियुक्त सदस्य सचिव घिसिङले लिए शपथ



काठमाडौं, १४ मंसिर 

राष्ट्रिय खेलकुद परिषद् (राखेप) नवनियुक्त सदस्य सचिव टंकलाल घिसिङले पद तथा गोपनीयताको शपथ लिएका छन् ।

मंगलबार युवा तथा खेलकुद मन्त्रालयमा मन्त्री महेश्वरजंग गहतराजले घिसिङलाई पद तथा गोपनियताको शपथ गराएका थिए ।

घिसिङलाई सोमबार बसेको मन्त्रीपरिषद्को बैठकले सदस्य सचिवमा नियुक्त गरेको थियो । शपथ ग्रहणपछि सदस्य सचिव घिसिङले संविधान र खेलकुद विकास ऐन २०७८ अनुरुप काम गर्ने बताए ।

आज नै उनले पदभार ग्रहण गर्नेछन् ।

प्रतिक्रिया दिनुहोस !

एमाले अध्यक्षमा ओली भारी मतले विजयी



१४ मंसिर, काठमाडौंः नेकपा एमालेको १० औँ महाधिवेशनबाट अध्यक्षमा केपी शर्मा ओली दोस्रो कार्यकालका लागि निर्वाचित भएका छन्।

निर्वाचनमा खसेको कूल २ हजार ९६ मतमा नवनिर्वाचित अध्यक्ष ओलीले १ हजार ९ सय मत पाएका छन् भने उनका प्रतिद्वन्द्वी रहेका भीम रावलले १ सय ९६ मत प्राप्त गरेका छन्।

यसैबीच, उपाध्यक्ष पदको मत गणना पनि शुरु भएको छ । त्यसपछि सचिव र केन्द्रीय सदस्यको मत गणना हुने एमाले निर्वाचन आयोगले जानकारी दिएको छ । शुरुमा सर्वसम्मत नेतृत्व चयन गर्ने प्रयास भएपनि रावलले अस्वीकार गर्दै उम्मेदवारी दिएपछि अध्यक्ष पदका लागि निर्वाचन भएको थियो।

बिहान ४ बजेबाट मतदान शुरु गरी दिउँसो एक बजेबाट मतगणना शुरु गरिएको थियो ।

प्रतिक्रिया दिनुहोस !

बालिका मृत्युकाे विषयलाई लिएर स्थानीय र प्रहरीबीच झडप, नाै जना सुरक्षाकर्मी घाइते



कपिलवस्तु, १४ मंसिर

सवारी दुर्घटनामा बालिका मृत्युको विषयलाई लिएर प्रहरी र स्थानीयबीच झडप हुँदा नाै जना सुरक्षाकर्मी घाइते भएका छन् । यशोधरा गाउँपालिका ६ सुठौली कार्यालय नजिकै लु ३ त ७६ नम्बरको ट्याक्टरले ठक्कर दिँदा १२ वर्षीय बालिका सुमन यादवकाे मृत्यु भएकाे थियो ।

मृत्युको विषयलाई लिएर सवारी साधन तोडफोड गर्न खोजेका स्थानीयवासी र प्रहरीबीच झडप भएको हाे ।  स्थितिलाई नियन्त्रणमा ल्याउन प्रहरीले पाँच राउण्ड र सशस्त्र प्रहरीले ६ राउण्ड अश्रु ग्यास फायर गरेका थिए ।  झडपमा परी प्रहरी निरीक्षक विजय सिंह, प्रहरी सहायक निरीक्षक पराग यादव, प्रहरी हवलदार कैलासकोटी चौधरी, प्रहरी जवान भुवन घर्ती, बाल गोविन्द कुर्मी, अनिल थारु, राज कुमार तेली, विवेक खत्री र कमल थापा घाइते भएका छन् ।  

अश्रु ग्यास प्रहारपछि प्रहरीले भिड नियन्त्रणमा लिएको थियो । अहिले अवस्था सामान्य रहेको छ । 

प्रतिक्रिया दिनुहोस !

%d bloggers like this: