आन्तरिक उडान संख्या कटौती हुने भएको छ।
आइतबार वायुसेवा सञ्चालक संघ र त्रिभुवन विमानस्थलबीच भएको छलफलपछि उडान संख्या कटौती गर्ने सहमति भएको हो।
वायुसेवा सञ्चालक संघका अनुसार काठमाडौंमा बढीमा ३६ उडान हुनेछन्। सबैभन्दा बढी बुद्ध एयरको हुनेछ।
त्रिभुवन विमानस्थलले २ वटा उडानबीच कम्तीमा २० मिनेटको ग्याप राखिने भएको छ। एक घण्टामा बढीमा ३ वटा उडान हुनेछन्।
यता सीसीएमसीले भने आन्तरिक र अन्तर्राष्ट्रिय दुवै उडान रोक्ने सिफारिस मन्त्रिपरिषदमा गरेको छ। आगामी मन्त्रिपरिषद बैठकले हवाइ उडान हुने वा नहुने भन्ने विषयमा निर्णय गर्नेछ।
